لاہور( پی این آئی) سابق معاون خصوصی فردوس عاشق اعوان نے کہا ہے کہ بہت سارے راز ہیں جو میرے سینے میں دفن ہیں،بد قسمتی سے معاشی عدم استحکام کے ساتھ سیاسی عدم استحکام بھی نظر آرہا ہے ،پی ٹی آئی کو باہر سے کوئی خطرہ نہیں بلکہ پی ٹی آئی کو پی ٹی آئی سے خطرہ ہے ،وزیراعظم کے ارد گرد ٹولے ناتجربہ کار اور مفاد پرست ہے، مرکز اور پنجاب میں سازشیں کرنے والا گینگ ایک ہی تھا، لوگ اپروچ کرتے ہیں ،دکان میں سودا پڑا ہو تو خریدار آتا ہی ہے،
ٹرافیاں اور سرٹیفکیٹ میچ ختم ہونے کے بعد دئیے جاتے ہیں۔ نجی ٹی وی پروگرام میں گفتگو کرتے ہوئے انہوں نے کہا کہ کوشش کی کہ بد ترین صورتحال میں بہترین پرفارمنس دوں ،شاید لیڈر شپ کو مجھ سے بہتر کی تلاش تھی۔ بہت سارے راز ہیں جو اس وقت میرے سینے میں دفن ہیں ۔ خان کے اردگرد جو لوگ ہیں وہ کہیں نہ کہیں نا تجربہ کاری کی وجہ سے ذاتی مفاد کی وجہ سے پارٹی کے مفادات کو ذاتی خواہشات کی بھینٹ چڑھا رہے ہیں۔وفاق اور پنجاب کا ایک ہی گینگ
اور گروہ تھا او رمائنڈ سیٹ تھا جو وفاق میں سازشوںمیں مصروف تھے وہ پنجاب میں تھے۔ انہوں ے کہا کہ زیادہ بولنا نہیں بلکہ سچ بولنا ، حقائق سامنے لانا مشکلات کاباعث بنے، پی ٹی آئی کی بہت ساری قیادت جونامور عہدوں پر ہیں وہ میری تحریک انصاف میںشمولیت کے مخالف تھے ۔ انہوں نے کہا کہ پی ٹی آئی کے جتنے ترجمان ہیں اتنی ہی کنفیوژن بڑھی ہے ،جو چور ہیں وہ صاف بن کر بیٹھے ہیں۔ انہوں نے کہا کہ نا دان مشیر خان صاحب کو اس نہج پر لے آئے ہیں،
سرٹیفکیٹ او ر ٹرافیاں میچ ختم ہونے کے بعد دی جاتی ہیں ،یہ ضروری کام نہیںتھا اس سے حکومت کا اپنا گورننس سٹرکچر کمزور ہوا ہے ۔ انہوں نے کہا کہ اپوزیشن کی سر گرمیوں کے حوالے سے کہا کہ انہیںچند ماہ بعد اپنی اہمیت میڈیا کی سکرین کے ذریعے اجاگر کرنے کے لئے آنیاں جانیاں دکھانی پڑتی ہیں، پی ٹی آئی کو باہر سے کوئی خطرہ نہیں ہے ، پی ٹی آئی کو پی ٹی آئی سے خطرہ ہے ۔انہوں نے کہا کہ میں نے پنجاب حکومت کی کارکردگی دھوم دھام سے بتائی ہے ،
میں سچ بولتی تھی ،جو خان صاحب کو کہتی تھی وہ مجھے میڈیا میں آ کر کہنا چاہیے تھا۔ انہوں نے اپنی مستقبل کی سیاست کے حوالے سے کہا کہ میں جس پلیٹ فارم پر ہوں اسی سے سیاست کرنی ہے اورمیرے پلیٹ فار م کا نام عوام ہے،لوگ اپروچ کرتے ہیں ، جب دکان پر سودا پڑا ہو تو خریدار آتا ہی ہے۔
