نواز شریف کی سزا ٹھوس بنیاد وں پر نہیں، عمران خان نے اسٹیبلشمنٹ سے سمجھوتہ کیا، حامد خان کا تہلکہ خیزدعویٰ

اسلام آباد (پی این آئی )تحریک انصاف کے ناراض رہنما نے ایک انٹرویو میں دعویٰ کرتے ہوئےکہا ہے کہ نواز شریف کی سزا ٹھوس بنیاد وںپر نہیں، عمران خان نے اسٹیبلشمنٹ سے سمجھوتہ کیا۔ انکا کہنا تھا کہ نواز شریف کا بیانیہ مضبوط ہے کیونکہ آج پاکستانی سیاست میں اسٹیبلشمنٹ کے کردار کو عوام پہنچان گئے ہیں ۔ نجی ٹی وی صحافی عمران وسیم کو انٹرویو دیتے ہوئے حامد خان کا کہنا تھا کہ نواز شریف کو کسی ٹھوس بات پر سزا بھی نہیں دی گئی اور جس معاملے پر

ان کو نااہل کیا گیا ہے، اس پر لوگ آج تک بھی قائل نہیں ہو سکے۔قبل ازیں پارٹی پالیسی کے خلاف بیان بازی کے الزام میں پاکستان تحریک انصاف سے معطل رکن حامد خان نے اپنے شو کاز نوٹس کا جواب دے دیا۔نجی ٹی وی کے مطابق اپنے جواب میں انہوں نے کہا ہے کہ کوئی بھی مفاد پرست، زمینوں پر قبضہ کرنے والا، شوگر اور کرپٹ مافیا انہیں پارٹی سے نہیں نکال سکتا اور اپنی ممبرشپ کے تحفظ کے لیے تمام آئینی و قانونی راستے اپنائیں گے۔شوکاز کے جواب میں حامد خان نے

مزید کہا کہ “پارٹی میرے لیے سب کچھ ہے، میں نے پارٹی کو بہت وقت دیا اور واضح کرتا ہوں کہ پارٹی کسی حالت میں نہیں چھوڑوں گا۔”حامد خان کا یہ بھی کہنا تھا کہ وہ اپنے پارٹی ورکرز کے ساتھ کھڑے رہیں گے اور یہ کہ ان کی آواز پارٹی ورکرز کی آواز ہے۔یاد رہے کہ 2 دسمبر کو وزیراعظم عمران خان کی ہدایت پر تحریک انصاف کے سینئر و ناراض رہنما حامد خان کو شوکاز نوٹس جاری کیا گیا تھا۔