سعودی عرب کا ماسک نہ پہننے کی خلاف ورزی دہرانے پرایک لاکھ ریال جرمانے کا اعلان

ریاض (پی این آئی )سعودی عرب کی وزارت داخلہ نے شہریوں اور مقیم غیر ملکیوں کو خبردار کیا ہے کہ ماسک نہ پہننے کی خلاف ورزی پر ایک ہزار ریال جرمانہ ہے۔میڈیارپورٹس کے مطابق وزارت داخلہ کے عہدیدار نے بتایاکہ خلاف ورزی دہرانے پر جرمانہ ایک لاکھ ریال تک پہنچ سکتا ہے۔ وزارت داخلہ نے کہا ہے کہ اپنی اور دوسروں کی سلامتی کے لیے ہر وقت ماسک پہنے رکھنا ضروری ہے۔دوسری جانب جانسن اینڈ جانسن کی کووڈ 19ویکسین کی اضافی خوراک کورونا وائرس کی

نئی قسم اومیکرون سے بہت زیادہ بیمار ہونے سے بچانے میں 85 فیصد تک موثر ہوتی ہے۔میڈیارپورٹس کے مطابق یہ بات جنوبی افریقہ میں ہونے والی ایک طبی تحقیق میں سامنے آئی۔سائوتھ افریقین میڈیکل ریسرچ کونسل کے زیرتحت تحقیق کا انعقاد 15 نومبر سے 20 دسمبر کے دوران ہوا جس میں ہیلتھ ورکرز کو شامل کیا گیا تھا۔تحقیق میں دریافت کیا گیا کہ جن افراد کو سنگل ڈوز ویکسین کی دوسری خوراک استعمال کرائی گئی ان میں کووڈ سے زیادہ بیمار ہونے کے خلاف ویکسین کی افادیت

63 فیصد سے بڑھ کر 85 فیصد ہوگئی۔جانسن اینڈ جانسن ویکسین کا بوسٹر ڈوز ان علاقوں میں ہسپتال میں داخلے سے تحفظ فراہم کرنے کے لیے 85 فیصد تک مثر ہے جہاں اومیکرون پھیلا ہوا ہے۔تحقیق کے مطابق نتائج سے ان شواہد میں اضافہ ہوتا ہے جن سے ثابت ہوتا ہے کہ جانسن اینڈ جانسن ویکسین کی افادیت کورونا کی اقسام جیسے اومیکرون اور ڈیلٹا کے خلاف وقت کے ساتھ مضبوط اور مستحکم رہتی ہے۔کلینکل ٹرائلز کے دوران 5 لاکھ کے قریب جنوبی افریقی ہیلتھ اسٹاف نے

جانسن اینڈ جانسن ویکسین کا استعمال کیا تھا۔محققین نے بتایا کہ نتائج سے جانسن اینڈ جانسن ویکسین کی پہلی خوراک کے 6 سے 9 ماہ بعد بھی اس کی افادیت کے اولین شواہد سامنے آئے ہیں۔جانسن اینڈ جانسن کے لیے اس ویکسین کو تیار کرنے والی کمپنی جینسن ریسرچ اینڈ ڈویلپمنٹ کے سربراہ میتھائی مامیون نے بتایا کہ تحقیق کے نتائج سے تصدیق ہوتی ہے کہ ہماری ویکسین کا بوسٹر ڈوز اومیکرون کے خلاف 85 فیصد تک مثر ہوتا ہے۔اس سے قبل دسمبر 2021 میں ہی جنوبی افریقہ میں ایک اور تحقیق میں دریافت کیا گیا تھا کہ فائزر ویکسین اومیکرون کے خلاف کم مثر ثابت ہوتا ہے مگر ہسپتال میں داخلے کا خطرہ 70 فیصد تک کم ہوجاتا ہے۔