جڑانوالہ (پی این آئی)صوبہ پنجاب میں عربی پڑھانے والے 60 ہزار اساتذہ کو بھرتی کرنے کا فیصلہ کرلیا گیا۔ تفصیلات کے مطابق سیکریٹری اسکول ایجوکیشن پنجاب غلام فرید کہتے ہیں کہ صوبے میں عربی پڑھانیوالے 60 ہزار اساتذہ کو بھرتی کیا جائے گا، انہوں نے یہ بات لاہورہائیکورٹ میں قرآن مجید کو لازمی تعلیم قرار دینے کیلئے انٹرا کورٹ اپیل کی سماعت کے موقع پر بتائی جہاں جسٹس شاہد وحید کی سربراہی میں 2 رکنی بینچ نے اپیل پرسماعت کی
۔دوران سماعت عدالت نے سیکرٹری اسکول ایجوکیشن غلام فرید سیعربی پڑھانے والے اساتذہ کی بھرتی اور ٹریننگ سے متعلق روڑ میپ طلب کیا، جس کے جواب میں سیکرٹری اسکول ایجوکیشن نے بتایا کہ پنجاب بھرمیں 60 ہزارعربی پڑھانے والیاساتذہ کی ضرورت ہے جن کی بھرتی کے لیے کام جلد شروع ہوجائے گا اوربھرتی کا عمل اگست تک مکمل کرلیں گے۔
تازہ ترین خبروں کے لیے پی این آئی کا فیس بک پیج فالو کریں
