عمران خان نیٹو کمانڈر ہے جو صرف تقریریں کر سکتا ہے ایکشن اور عمل نہیں کروا سکتے ، احسن اقبال برس پڑے

اسلام آباد (پی این آئی) پاکستان مسلم لیگ (ن) کے رہنما احسن اقبال نے کہا ہے کہ عمران خان نیٹو کمانڈر ہے جو صرف تقریریں کر سکتا ہے ،ایکشن اور عمل نہیں کروا سکتے ،تین سال میں حکومت نے مخالفین پر جھوٹے مقدمات بنائے ، عوام سے جھوٹے وعدے کئے اور معیشت کی اینٹ سے اینٹ بجا دی، پورے ملک میں گیس بحران ہے ،ہر ضرورت کی چیز کو منافع خوروں کا اجازت دیکر سٹہ بازی کرائی گئی،افغانستان کا جتنا ضروری مسئلہ ہے اتنا ہی ضروری کشمیر کا بھی مسئلہ ہے،

حکومت کشمیر کے ساتھ غداری کر رہی ہے ،حکومت اپنا موقفعالمی سطح پر نہیں منا سکتی۔ احتساب عدالت کے باہر میڈیا سے گفتگو کرتے ہوئے احسن اقبال نے کہاکہ پھر ہم عمران خان کے جھوٹے کیسز کی پیشیاں بھگت رہے ہیں،سوا تین سال میں حکومت نے مجالفین پر جھوٹے مقدمات پر زور دیا،عوام سے جھوٹے وعدے کیے اور معیشت کی اینٹ سے اینٹ بجا دی۔ انہوں نے کہاکہ عمران خان اور اسکی حکومت نے 24 ،24 گھنٹے سارا سال انتقامی کارروائیوں پر کام کیا،ھکومت نے

عوام کے لیے ایک فیصد کام نہیں کیا۔ انہوں نے کہاکہ پورے ملک میں گیس بحران ہے،ہم نے تین ماہ پہلے پیش گوئی کر دی تھی کہ دسمبر میں بدترین گیس لوڈشیڈنگ ہو گی۔ انہوں نے کہاکہ چینی کا ٹینڈر کینسل کر کے اپنے لوگوں سے چینی مہنگی داموں فروخت کروایا،ہر ضرورت کی چیز کو منافع خوروں کا اجازت دیکر سٹہ بازی کرائی گئی،کے پی الیکشن میں پی ڈی ایم جماعتوں پر عوام نے انحصار کیا،عوام کو مبارک ہو عمران نے پی ٹی آئی شکست کا نوٹس لے لیا،پی ٹی آئی اب

ختم ہو رہی ہے کیونکہ عمران خان نے نوٹس لے لیا۔ انہوں نے کہا کہ صورتحال پر دل بہت رنجیدہ ہے 2019 سے مطالبہ کر رہے ہیں بھارت نے کشمیر کو ہڑپ کیا۔ انہوں نے کہاکہ افغانستان کا جتنا ضروری مسئلہ ہے اتنا ہی ضروری کشمیر کا بھی مسئلہ ہے،حکومت اسلامی وزراء اجلاس میں کشمیر کی قرارداد منظور کروانے میں ناکام ہو گئی،بعض مبصرین نے کہا حکومت نے اجلاس سے پہلے یقین دہانی کرائی تھی کہ وہ اس اجلاس میں کشمیر کا مسئلہ نہیں اٹھائے گی،

حکومت کشمیر کے ساتھ غداری کر رہی ہے ،حکومت اپنا موقف عالمی سطح پر نہیں منا سکتی۔ انہوں نے کہاکہ عمران خان نیٹو کمانڈر ہے جو صرف تقریریں کر سکتا ہے ،ایکشن اور عمل نہیں کروا سکتے ،عمران خان نے ساری زندگی چندا مانگا ہے اور عوام کو بھی لگا دیا ہے ،اقوام متحدہ عمران خان کو خصوصی معاون مقرر کر لیں تاکہ چندہ زیادہ اکٹھا ہو سکے۔