لاہور( این این آئی)محکمہ بورڈآف ریو نیو نے سابق وزیر اعظم ومسلم لیگ (ن) کے قائد نواز شریف کی جائیدادکی نیلامی سے متعلق جاتی امراء کی رہائش گاہ پر نوٹس آویزاں کر دیئے۔تفصیلات کے مطابق نواز شریف کی پراپرٹی فروخت کرنے کے لیے محکمہ بورڈ آف ریونیو کی جانب سے قانونی کارروائی شروع کر دی گئی ہے ۔جاتی امراء میں واقع نواز شریف کے نام زرعی اراضی 19 نومبر بروز جمعہ کو نیلام کی جائے گی۔محکمہ بورڈ آف ریونیو نے نیب لاہور اور نیب راولپنڈی کے افسران سے بھی نیلامی کے عمل میں شامل ہونے کی درخواست کردی۔نیلامی بروز جمعہ کوہوگی جس میں ہر کوئی شرکت کر سکتا ہے۔
تازہ ترین خبروں کے لیے پی این آئی کا فیس بک پیج فالو کریں
