لاہور (پی این آئی) لاہور پولیس نے تین افراد کو گرفتار کیا ہے جن کے بارے میں بتایا گیا ہے کہ وہ مینارِ پاکستان لاہور کے گریٹر اقبال پارک میں ٹک ٹاکر عائشہ اکرم کو ہراساں کرنے کے کیس میں ملوث تھے۔ گرفتار کیے جانے والے تینوں افراد ٹاک ٹاکر عائشہ اکرم کے الزام پر گرفتار کیے گئے ملزم ریمبو کے ساتھی ہیں جن کے بارے میں پولیس کا خیال ہے کہ وہ اس معاملے میں ملوث ہیں۔
پولیس حکام کے مطابق ریمبو سمیت گرفتار ملزمان کی تعداد اب 11 ہو گئی ہے۔لاہور پولیس کا کہناہے کہ تمام افراد کو تفتیش کے لیے سی آئی اے سٹی کے حوالے کر دیا گیا ہے۔اس کیس میں ملزم ریمبو سمیت 8 ملزمان پہلے ہی 4 روز کے جسمانی ریمانڈ پر ہیں۔ٹک ٹاکر عائشہ اکرم نےاپنے ہی ساتھ ریمبو کے حوالے سےپولیس کو تفتیش کے دوران بیان دیا تھا کہ گریٹر اقبال واقعہ اس کی وجہ سے پیش آیا تھا۔۔۔۔۔
مینار پاکستان واقعہ ،عائشہ اکرم اور ریمبو کی آڈیو ٹیپ لیک ہو گئی
اسلام آباد (پی این آئی )مینار پاکستان واقعہ ،کیس میں نیا تہلکہ خیز موڑ آگیا ، عائشہ اور ریمبو کی کی مبینہ آڈیو ٹیپ منظر عام پر آگئی ۔ تفصیلات کے مطابق آڈیو ٹیپ میں عائشہ اکرم نے ریمبو کو بتایا کہ چھ یا 7 مجرم ہیں جن کی شناخت کی گئی ہے ۔ ٹک ٹاکر عائشہ اور ریمبو کے مابین یہ منصوبہ بندی کی کہ فی مجرم سے کتنے پیسے مانگے جائیں ان میں زیادہ تر غریب نظر آرہے ہیں ۔ مبینہ آڈیو کے مطابق عائشہ اکرم نے ان افراد سے پانچ پانچ لاکھ لینے کا کہا ہے ۔
پولیس کے مطابق عائشہ اکرم اور ریمبو کی جانب سے ملزمان سے رہائی کے بدلے میں پانچ ، پانچ لاکھ وصول کرنے کی منصوبہ بندی کی تھی ، آڈیو ٹیپ کو کیس کا حصہ بنا لیا گیا ہے ۔ اس سے متعلق ڈی آئی جی انویسٹی گیشن شرق جمال جائزہ لے رہے ہیں ، ریمبو کے فون کو ضبط کر لیا گیا ۔ دوسری جانب ضلع کچہری لاہور کے جوڈیشل مجسٹریٹ کی عدالت نے گریٹر اقبال پارک ٹک ٹاکر نرس عائشہ اکرم کے قریبی ساتھی ریمبو اور ان کی ٹیم کے ارکان کے خلاف جسمانی ریمانڈ سے متعلق
پولیس کی استدعا پر فیصلہ محفوظ کرلیا ہے۔ پولیس نے ریمبو اور اس کے ساتھیوں کو جمعہ کے روز گرفتار کر کے ہفتے کی صبح علاقہ مجسٹریٹ کی عدالت میں پیش کیا اور عدالت سے استدعا کی کہ ملزمان سے تفتیش کرنے اور ٹاک ٹاکر نرس کے ساتھ نازیبہ ویڈیو برآمد کرنے کے لئے ملزمان کا جسمانی ریمانڈ درکار ہے۔ اس موقع پر ملزم ریمبواور اس کے ساتھیوں کے وکیل نے عدالت کو بتایا کہ پولیس نے ریمبو اور اس کے ساتھیوں کو یہ کہہ کر کہ سانحہ گریٹر اقبال پارک کی تفتیش تبدیل ہوگئی
ہے تھانے میں آنے کو کہا وکیل کے مطابق ملزمان جب تھانے گئے تو پولیس نے انہیں تھانے میں گرفتار کرلیا۔ ریمبو کے وکیل کا یہ بھی کہنا تھا کہ ریمبو اور اس کی ٹیم کے خلاف دائر کی گئی درخواست میں ٹک ٹاکر عائشہ اکرم نے ریمبو پر جس نازیبہ ویڈیو بنانے کا اور بلیک میل کرنے کا الزام عائد کیا ہے وہ ایک سال پرانی ہے ،ٹک ٹاکر نرس نے اپنی رضا مندی سے اس سے رشتہ قائم کیا ہوا تھا وہ اکثر ریمبو کو دھمکی دیتی تھی کہ جو وہ کہتی ہے وہ کرتا چلا جائے اگر اس نے انکار کیا تو وہ
ریمبو اور اس کی ٹیم کو جیل بھجوادے گی۔ ملزم نے عدالت سے استدعا کی کہ درخواست گزار عائشہ اکرم نے اسے اور اس کے ساتھیوں کو مقدمے میں غلط ملوث کیا ہے ہم سب بے گناہ ہیں ۔واضح رہے کہ ٹک ٹاکر نرس عائشہ اکرم نے جمعہ کے روز اپنے ساتھی ریمبو اور اس کی ٹیم کے ارکان کے خلاف آئی جی پولیس پنجاب رائو سردار کو ایک درخواست دی تھی جس میں ریمبو کے خلاف عائشہ اکرم نے مختلف الزامات عائد کئے تھے۔
