کراچی (پی این آئی)سندھ ہائیکورٹ نے وزیراعلیٰ سندھ مراد علی شاہ کو نااہل قرار دینے کی حلیم عادل شیخ کی درخواست ابتدائی سماعت کے بعد مسترد کردی۔نجی ٹی وی کے مطابق عدالت نے تحریک انصاف سے تعلق رکھنے والے اپوزیشن لیڈر سندھ اسمبلی حلیم عادل شیخ کی درخواست کو ناقابل سماعت قرار دے دیا۔حلیم عادل شیخ نے درخواست میں مؤقف اپنایا تھا کہ 2013 میںمراد علی شاہ کو
دہری شہریت چھپانے پر سپریم کورٹ نے نااہل قرار دیا تھا، نااہلی کے باوجود مراد علی شاہ نے ضمنی انتخابات میں حصہ لیا اور کامیاب ہوئے۔حلیم عادل نے درخواست میں مزید کہا کہ مراد علی شاہ صادق اور امین نہیں رہے، انہیں آرٹیکل 62 اور 63 کے تحت مستقل نااہل قرار دیا جائے۔تاہم سندھ ہائیکورٹ نے وزیراعلیٰ سندھ کونااہل قرار دینے کی درخواست ابتدائی سماعت پر ہی مستردکردی۔
تازہ ترین خبروں کے لیے پی این آئی کا فیس بک پیج فالو کریں
