لاہور (آئی این پی ) سی ٹی ڈی نے لاہور کے علاقے جلو گاوں میں کارروائی کرتے ہوئے کالعدم تنظیم کے 2 دہشت گرد گرفتار کرلیے ہیں۔ ترجمان سی ٹی ڈی کا کہنا ہے کہ گرفتار ہوئے دہشتگرد قانون نافذ کرنے والے اداروں اور مذہبی شخصیات کو نشانہ بنانا چاہتے تھے۔ انہوں نے بتایا کہ دونوں دہشت گردوں سے دھماکا خیزمواد اور اسلحہ برآمد کر کے ان کو تفتیش کیلئے نامعلوم مقام پرمنتقل کردیا گیا ہے۔ واضح رہے کہ گرفتار دہشت گردوں میں عبدالمنان اورعمران اخترشامل ہیں۔۔۔۔۔
مخالفین کی دال 2023 تک نہیں گلے گی،فیاض الحسن چوہان نے خبردار کر دیا
لاہور (آئی این پی ) ترجمان پنجاب حکومت فیاض الحسن چوہان نے کہا کہ مخالفین خاطر جمع رکھیں، ان کی دال 2023 تک نہیں گلے گی، پی ڈی ایم کے ٹولے کا منفی سیاست سمیت جنازہ نکل چکا ہے، عوام نے آر پار کے دعویداروں کے غبارے سے ہوا نکال دی ہے۔ ایک بیان میں فیاض الحسن چوہان نے مزید کہا کہ دیانتداری، ایمانداری اور شفافیت کی سیاست کے سامنے کرپٹ ٹولے کی کوئی حیثیت نہیں ہے۔۔۔۔
تازہ ترین خبروں کے لیے پی این آئی کا فیس بک پیج فالو کریں
