لاہور(آئی این پی)پاکستان مسلم لیگ( ن )کے رہنما و صوبائی صدر رانا ثنا اللہ نے کہا ہے کہ نوازشریف کو2آپشن دینے والوں کے اپنے لیے تمام آپشن ختم ہوچکے ہیں ،اپنے ایک بیان میں رانا ثنا اللہ نے کہا کہ جوبائیڈن کو ایک فون کال کی اپیلیں کرنے والوں کے مشوروں کی نوازشریف کو ضرورت نہیں،شیخ رشید ایک مشور ہ اپنے سابق باس مشرف کو بھی دے، جو پاکستان سے بھاگا ہوا ہے،رانا ثنا اللہ نے کہا کہ سیاسی پناہ گزین اپنے ٹانگے کی فکر کرے، کوچوان بھاگنے والا ہے۔
نافرمان بیٹے کے ہاتھوں باپ قتل،ملزم گرفتار
راولپنڈی(آئی این پی ) راولپنڈی کے تھانہ گوجرخان کے علاقے جبر میں بیٹے نے اپنے باپ کو گردن پر چھریوں کے وار کرکے قتل کردیا۔ گوجرخان کے علاقے جبر میں ہفتے اور اتوار کی درمیانی رات خالد پرویز نامی 60 سالہ شخص کو اس کا بیٹا گردن پر چھریوں کے وار کرکے فرار ہوگیا۔ زخمی خالد پرویز شدید زخمی حالت میں گھر کے دروازے تک پہنچا اور مدد کے لیے دروازہ پیٹنا شروع کیا تاہم رات ہونے وجہ سے کوئی مدد کو نہ پہنچ سکا اور زخمی نے وہیں دم توڑ دیا۔ واقعے کی اطلاع ملنے پر پولیس موقع پر پہنچی اور لاش کو پوسٹ مارٹم کے لیے قریبی سرکاری اسپتال منتقل کردیا۔ پولیس کو ابتدائی شواہد و بیانات کی روشنی میں واقعے میں مقتول کے بیٹے ناصر پرویز کے ملوث ہونے کے شواہد ملے، پولیس نے ملزم کو گرفتار کرکے تفتیش شروع کردی۔پولیس کا کہنا ہے کہ خالد پرویز کے 3 بیٹے تھے اور اس نے تمام کو عاق کررکھا تھا، جس کے بعد وہ گھر میں اکیلا رہتا تھا، واقعے کی وجہ بھی یہی ہوسکتی ہے۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
