پشاور(پی این آئی)پشاور کے علاقے ریگی میں ہونے والے جنازے میں شرکت کے لیے آنے والے افراد کی جانب سے طالبان حق میں نعرے لگائے گئے۔پشاور میں گزشتہ رات ہونے والے ایک جنازے کی ویڈیو منطر عام پر آئی ہے جس میں دیکھا جا سکتا کہ اس میں شریک افراد نے طالبان کے حق میں نعرے لگائے اور انہوں نے امارات اسلامی افغانستان کے جھنڈے بھی اٹھا رکھے تھے۔دوسری جانب پولیس نے مؤقف اختیار کہ جنازے کے بعد کچھ لوگ امارات اسلامی کے جھنڈے لائے تھے، تحقیقات کے بعد متعلقہ افراد کے خلاف کارروائی کی جائے گی۔دوسری جانب طالبان نے افغان پائلٹس کی ٹارگٹ کلنگ کی تصدیق کردی ہے۔میڈیارپورٹس کے مطابق پچھلے کچھ عرصے میں نشانہ بنا کر قتل کیے گئے افغان پائلٹس کی تعداد سات ہوگئی ہے۔امریکی حکام کا کہنا تھا کہ طالبان اس لیے پائلٹس کو نشانہ بنا رہے ہیں کیوں کہ ان کے پاس فضائی طاقت نہیں ہے ۔ طالبان ترجمان ذبیح اللہ مجاہد نے افغان پائلٹوں کی ٹارگٹ کلنگ کی تصدیق کی اور کہا کہ افغان پائلٹوں کو قتل کرنے کی پالیسی اس لیے اپنائی گئی ہے کیونکہ وہ سب اپنے ہی لوگوں پر بمباری کرتے ہیں۔افغان حکومت نے قتل ہونے والے پائلٹوں کی تعداد افشا نہیں کی ۔سینیئر افغان اہلکار کا کہنا تھا کہ طالبان کی ہٹ لسٹ میں سب سے اوپر افغان پائلٹس ہیں کیونکہ امریکا اور نیٹو کے تربیت یافتہ افغان جنگی پائلٹ ملک کا سب سے قیمتی اثاثہ ہیں۔امریکی و افغان حکام کے مطابق فضائی مشن کے مقابلے میں ان پائلٹوں کی زندگی ایئر بیس کے باہر زیادہ خطرے میں ہوتی ہے، اس ضمن میں افغان پائلٹس اور ان کے اہل خانہ کی حفاظت کے اقدامات کیے جا رہے ہیں۔
تازہ ترین خبروں کے لیے پی این آئی کا فیس بک پیج فالو کریں
