اسلام آ باد (آئی این پی ) پاک فضائیہ کے سربراہ ائیر مارشل ظہیر احمد بابر نے کہا ہے کہ پاک فضائیہ کسی بھی جارحیت کا جواب دینے کی بھرپور صلاحیت رکھتی ہے۔ ترجمان پاک فضائیہ کے مطابق ائیر مارشل ظہیر احمد بابر نے نیشنل ڈیفنس یونیورسٹی کا دورہ کیا اور کورس کے شرکا سے خطاب بھی کیا۔ ترجمان پاک فضائیہ کے مطابق ائیر چیف نے نیشنل ڈیفنس یونیورسٹی میں تعلیم وتربیت کے معیار کی تعریف کی اور پاکستانی مسلح افواج کی جنگی صلاحیتوں پر اعتماد کا اظہار کیا۔ ائیر چیف مارشل کا کہنا تھا کہ ہماری مسلح افواج علاقائی سالمیت اور قومی خودمختاری کے دفاع کے لیے ہمہ وقت تیار ہیں۔ سربراہ پاک فضائیہ ظہیر احمد بابر کا کہنا تھا کہ ائیر فورس کسی بھی جارحیت کا جواب دینے کی بھرپور صلاحیت رکھتی ہے۔
تازہ ترین خبروں کے لیے پی این آئی کا فیس بک پیج فالو کریں
