انٹرمیڈیٹ کے سالانہ امتحانات کب سے شروع ہوں گے؟ طلبہ کیلئے اہم خبر

کوئٹہ(آن لائن)بلوچستان میں انٹرمیڈیٹ کیسالانہ امتحانات 22جون سے شروع ہوں گے، امتحانات میں اس بار صرف اختیاری مضامین کے پرچے لئے جائیں گے اور طلبا کو اختیاری مضامین میں حاصل نمبروں کی بنیاد پر لازمی مضامین میں اوسط نمبر دئیے جائیں گے،چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ پروفیسریوسف بلوچ کے مطابق صوبے میں انٹرمیڈیٹ کیسالانہ امتحانات کی نظرثانی شدہ ڈیٹ شیٹ جاری کردی گئی جس کے مطابق انٹرمیڈیٹ کیسالانہ امتحانات 10جولائی تک جاری رہیں گے۔پروفیسر یوسف بلوچ کے مطابق انٹرمیڈیٹ کیسالانہ امتحانات میں تقریبا88ہزار طلبا و طالبات حصہ لیں گے، امتحانات کیلئے 250 سے زائد امتحانی مراکز قائم کردئیے گئے ہیں۔ چیئرمین بورڈ کا کہناتھا کہ انٹرمیڈیٹ کیامتحانات میں اس بار صرف اختیاری مضامین کے پرچے لئے جائیں گے اور طالب علم اردو و انگریزی لازمی، اسلامیات یا اخلاقیات لازمی اور مطالعہ پاکستان کاپرچہ نہیں دیں گے تاہم فیل شدہ/ امپرومنٹ یا مدرسہ کے طلبا و طالبات کو لازمی مضامین کے پرچے دینا ضروری ہوگا۔فیل شدہ/امپرومنٹ کیلئے امتحان دینے والے اورمدرسہ کیطلبا کے پرچے 12جولائی سے شروع ہوں گے، اس سے قبل بلوچستان میں انٹرمیڈیٹ کیسالانہ امتحانات 25مئی سے شروع ہونا تھے۔