عثمان بزدار سے پرویزخٹک کی ملاقات، اعلیٰ قیادت کاکیا پیغام لے کے آئے؟

لاہور(آئی این پی) وزیراعلی پنجاب عثمان بزدار نے کہا ہے کہ سابق حکمران باتیں بناتے رہے اور ہم حقیقی منصوبے لائے ہیں، تفصیل کے مطابق گزشتہ روز وزیراعلی پنجاب عثمان بزدار سے ایوان وزیراعلی لاہور میں وزیردفاع پرویزخٹک نے ملاقات کی جس میں باہمی دلچسپی سمیت سیاسی صورتحال پر تبادلہ خیال کیا گیا،ذرائع کا کہنا ہے کہ پرویز خٹنک نے عثمان بزدار کو پارٹی کی اعلیٰ قیادت کا اہم پیغام پہنچایا۔اس موقع پر عثمان بزدار کا کہنا تھا کہ سیاست میں رواداری اور احترام کے قائل ہیں، انتقام نہیں بلکہ مثبت سیاسی روایات قائم کی ہیں،انہوں نے کہا کہ اضلاع کی یکساں ترقی کیلئے ڈویلپمنٹ پیکج پرعملدرآمد شروع ہوچکا ہے، پنجاب دوسرے صوبوں کو ساتھ لیکر چلنے کی پالیسی پرعمل پیراہے،اس موقع پر پرویزخٹک نے کورونا پر قابو پانے کیلئے پنجاب حکومت کے اقدامات کی تعریف کی۔۔۔۔۔

پنجاب کے 16 ضلعےجن میں سکول کھولنے کا فیصلہ کر لیا گیا، کون کون سا ضلع شامل ہے؟

لاہور (پی این آئی) پنجاب حکومت نےبہاولنگر، چکوال، چنیوٹ، حافظ آباد، جھنگ، جہلم، قصور، منڈی بہاوالدین، ننکانہ صاحب، نارووال، پاکپتن، راجن پور، ساہیوال، شیخوپورہ، سیالکوٹ اور وہاڑی میں سرکاری و نجی سکول 24 مئی سے کھولنے کا اعلان کر دیا ہے۔اعلان میں ہا گیا ہے کہ 5 فیصد سےکم کورونا کیسز والے 16 اضلاع میں 24 مئی سے سرکاری و نجی اسکول کھولے جا رہے ہیں جس کا نوٹیفکیشن بھی جاری کردیا گیا ہے۔اس حوالے سے محکمہ تعلیم پنجاب کے نوٹیفکیشن کے مطابق پنجاب میں 24 مئی سے 16 اضلاع میں کورونا ایس اوپیز کی پابندی کے ساتھ تمام سرکاری اور نجی اسکول کھل جائیں گے۔پنجاب کے محکمہ تعلیم کےنوٹیفکیشن کے مطابق ان اضلاع میں بہاولنگر، چکوال، چنیوٹ، حافظ آباد، جھنگ، جہلم، قصور، منڈی بہاوالدین، ننکانہ صاحب، نارووال، پاکپتن، راجن پور، ساہیوال، شیخوپورہ، سیالکوٹ اور وہاڑی شامل ہیں جب کہ لاہور سمیت پنجاب کے دیگر اضلاع میں اسکولز بند رہیں گے۔نوٹیفکیشن میں بتایا گیا ہےکہ ان اضلاع میں ہفتے میں 4 روز اسکول کھلیں گے اور ایک طالب علم 2 روزکےلیے اسکول آئے گا۔۔۔۔۔۔