پاکستان بھر میں یوم فلسطین آج منایا جارہا ہے

اسلام آباد (پی این آئی) پاکستان بھر میں آج یوم فلسطین منایا جارہا ہے جس میں اسرائیلی دہشتگردی کے خلاف اور فلسطینیوں کے حق میں مظاہرے کیے جائیں گے۔یوم فلسطین کا اعلان جماعت اسلامی کے امیر سراج الحق نے کیا جس کے بعد وزیر اعظم عمران خان نے بھی قومی سطح پر اس حوالے سے احتجاج کا اعلان کر دیا۔ سرکاری پروگرام کے تحت اسلام آباد میں اقوام متحدہ کے دفتر تک احتجاجی مارچ کیا جائے گا جس کی سربراہی اسپیکر قومی اسمبلی اسد قیصر کریں گے جب کہ اقوام متحدہ کے نمائندےکو قومی اسمبلی میں منظورکی گئی قرارداد پیش کی جائے گی۔ ملک بھر کی تاجر تنظیموں نے بھی آج کے دن احتجاج میں شمولیت اور کاروبار بند رکھنے کا اعلان کیا ہے۔۔۔۔

حماس اور اسرائیل میں جنگ بندی ہو گئی

یروشلم (پی این آئی) گیارہ دن کی خونریز جنگ کے بعد اسرائیل اور حماس میں جنگ بندی ہو گئی۔پا کستانی وقت کے مطابق جنگ بندی پر عملدرآمد کا آغا زآج صبح 4 بجے سے ہوگیا اور اب تک کوئی خلاف ورزی نہیں کی گئی۔مصری وفود جنگ بندیپرعملدرآمد کی نگرانی کریں گے اور مصر کے دو وفود کو تل ابیب اورفلسطینی علاقوں میں روانہ کیاجائےگا۔اسرائیلی میڈیا کا دعویٰ ہے کہ اسرائیلی کابینہ نے امریکا کی طرف سے شدید دباؤ کے بعد جنگ بندی کا فیصلہ کیا جب کہ اسرئیل کی سکیورٹی کابینہ نے غیرمشروط جنگ بندی کی منظوری دی تھی۔اسرائیل کا دعویٰ ہے کہ 11 روز کے دوران اسے غزہ میں بڑی کامیابیاں ملی ہیں ۔ادھر حماس نے جنگ بندی کے بعد جیت کا اعلان کیا ہے جب کہ غزہ میں ہزاروں افراد نے جیت کا جشن بھی منایا۔
فلسطینی وزارت صحت کےمطابق اسرائیل اور فلسطین کے درمیان جاری جنگ میں اب تک 232 فلسطینی شہید ہوچکے ہی جن میں 65 بچے بھی شامل ہیں جب کہ 1900 افراد زخمی ہیں اور 10 ہزار سے زائد بے گھر ہوچکے ہیں۔فلسطینی وزارت صحت کا کہنا ہےکہ غزہ میں انسانی اورصحت کی صورتحال پریشان کن ہے، پناہ گاہیں لوگوں سےبھری ہوئی ہیں جس سےکورونا کے پھیلاو کا خطرہ ہے، انسانی بحران پرقابو پانےکے لیے فوری امداد کی اشد ضرورت ہے جس کے لیے صحت کےشعبے کی بحالی کیلئے 46.6 ملین ڈالر کی ضرورت ہے۔