پیپلز پارٹی کے عہدیداروں نے بلاول بھٹو کو استعفے پیش کر دیئے

کراچی(آئی این پی)پاکستان پیپلزپارٹی کے چیئرمین بلاول بھٹو زرداری کی سربراہی میں بلاول ہاؤس میں پی پی پی وسطی پنجاب کے صوبائی عہدیداران کا اجلاس ہوا جس ملک کی موجودہ صورت حال کے علاوہ سیاسی معاملات پر گفتگو ہوئی، چیئرمین بلاول بھٹو زرداری کی سربراہی میں ہونے والے اجلاس میں پاکستان پیپلزپارٹی کے جنرل سیکریٹری نیر بخاری، پی پی پی وسطی پنجاب کے صدر قمرزمان کائرہ، جنرل سیکریٹری چوہدری منظور اور سیکریٹری اطلاعات حسن مرتضی شریک ہوئے۔ ہفتے کو پی پی پی وسطی پنجاب کے عہدیداران نے تنظیم نو کی سفارش کرتے ہوئے چیئرمین بلاول بھٹو زرداری کو آگاہ کیا کہ ان کے عہدوں کی معیاد ختم ہوچکی ہے، پی پی پی وسطی پنجاب کے عہدیداران نے اپنے عہدوں کی معیاد پوری ہونے پر اپنے استعفے چیئرمین بلاول بھٹو زرداری کو پیش کردئیے، چیئرمین بلاول بھٹو زرداری نے پارٹی کو مضبوط کرنے کے لئے ان کی مستقل انتھک محنت اور کاوشوں کو شان دار الفاظ میں سراہا، چیئرمین بلاول بھٹو زرداری نے وسطی پنجاب کے صوبائی عہدیداران کے استعفے منظور کرلئے۔۔۔۔۔

شہباز شریف کی ملک سے فرار ہونے کی جلدی کو معنی خیز قرار دیدیا گیا

راولپنڈی(آئی این پی )وزیر جیل خانہ جات پنجاب فیاض الحسن چوہان نے شہباز شریف کی ملک سے فرار ہونے کی جلدی کو معنی خیز قرار دیتے ہوئے کہا ہے کہ جیل میں تمام قانونی تقاضوں کے مطابق طبی سہولیات کی فراہمی کے باعث شہباز شریف کی طبیعت ٹھیک رہی۔ جیل سے باہر نکلتے ہی شوباز شریف کو وطن عزیز میں اپنی صحت خطرے میں محسوس ہوئی۔ہفتے کو فیاض الحسن چوہان نے اپنے بیان میں کہا کہ تین عشروں تک اقتدار میں رہنے والے شریف خاندان نے پنجاب کے نظام صحت کو وینٹی لیٹر پر پہنچا دیا۔کاش شریف خاندان اپنے علاج معالجے کے لیے ہی کوئی خصوصی ہسپتال بنا لیتا۔ صوبائی وزیر نے مزید کہا کہ کرونا وبا اور عید کے موقع پر اپوزیشن لیڈر کو اپنے ملک اور عوام میں رہنا چاہیئے تھا لیکن افسوس! کہ ن لیگ نے کوویڈ-19 میں بھی عملی عوامی خدمت کی بجائے پوائنٹ سکورنگ کو ترجیح دی۔ انہوں نے کہا کہ ملک سے فرار ہونے والے یہی نام نہاد عوامی نمائندے الیکشن کے وقت عوام کی منت سماجت کرتے نظر آئیں گے۔۔۔۔۔