سینیٹ میں حزب اختلاف کی پانچ جماعتوں کا بڑا فیصلہ، الگ اپوزیشن بلاک بنانے کا اعلان

اسلام آباد (آئی این پی)پاکستان مسلم لیگ (ن) کے سینٹ میں پارلیمانی لیڈر اعظم نذیر تارڑ کا اہم بیان سامنے آگیا ۔پاکستان مسلم لیگ(ن)سمیت 5 جماعتوں نے سینیٹ میں 27 اپوزیشن سینیٹرز کا الگ بلاک بنانے پر اتفاق کرلیا۔مسلم لیگ (ن)،جمعیت علمااسلام(ف)پختونخوا ملی عوامی پارٹی، نیشنل پارٹی اور بی این پی(مینگل)کا سینٹ میں الگ اپوزیشن بلاک بنانے کے فیصلے کا اعلان کردیا ۔فیصلہ اسلام آباد میں پی ڈی ایم میں شامل پانچ جماعتوں کے سینٹ کے رہنماوں

کے اعلی سطحی اجلاس میں کیاگیا ۔اجلاس میں پی پی پی اور اے این پی سے وضاحت طلب کرنے کے لئے صدر پی ڈی ایم سے رجوع کرنے کا بھی فیصلہ کرلیا ۔ذرائع کے مطابق باپ سے ووٹ کیوں لیا؟حکومت سے اشتراک عمل کیوں کیا؟معاملہ صدر پی ڈی ایم مولانا فضل الرحمن کو بھجوانے پر اتفاق کرلیاگیا ۔پی ڈی ایم سربراہ پی پی پی اور اے این پی سے وضاحت طلب کریں کہ پی ڈی ایم کے اصولوں اور فیصلوں کی خلاف ورزی کیوں کی؟ ۔سینٹ میں پی ڈی ایم کی پانچ جماعتیں توقع کرتی ہیں کہ پی ڈی ایم سربراہ مولانا فضل الرحمن پی پی پی اور اے این پی سے باضابطہ وضاحت مانگیں گے۔ پیپلزپارٹی اور اسٹیبلشمنٹ کے درمیان لڑائی، سینئر صحافی نے دلائل دیتےہوئے بڑا دعویٰ کر دیا لاہور(پی این آئی) پیپلزپارٹی اور اسٹیبلشمنٹ کے درمیان لڑائی نہ ہونے کا امکان ہے، پیپلزپارٹی کی سندھ میں حکومت اور سینیٹ میں زیادہ ارکان ہیں، پیپلزپارٹی پی ڈی ایم کے ساتھ مل کر اسٹیبلشمنٹ سے خواہ مخواہ کی لڑائی نہیں چاہتی۔ سینئر تجزیہ کارطلعت حسین نے اپنے تجزیے میں کہا کہ پیپلزپارٹی کے اسٹیبلشمنٹ کے ساتھ تعلقات بڑے پرانے ہیں، سابق وزیر اعظم بے نظیر بھٹو بڑی طاقتور اور مقبول تھیں، لیکن پھر بھی وہ اسٹیبلشمنٹ سے بات چیت کرکے واپس آئیں، لیکن تعلقات سے مراد یہ نہیں سیاسی طور پرمکمل بچت ہوجائے گی۔آصف زرداری کے بڑے پرانے روابط ہیں، اس میں لڑائی ہونے کا امکان نہ ہونے کے برابر ہے۔پیپلزپارٹی طاقت میں ہے، سندھ میں حکومت ہے سینیٹ میں زیادہ سیٹیں ہیں۔پیپلزپارٹی نہیں چاہتی کہ اسٹیبلشمنٹ سے خواہ مخواہ لڑائی جاری رکھے۔ پیپلزپارٹی نے پی ڈی ایم کے ساتھ ہاتھ کیا لیکن یہ احمقانہ فیصلہ کیا ۔اتفاق کرتا ہوں کہ ثاقب نثار جیسے لوگ جج بن جاتے ہیں، ان کو سیٹ کا تحفظ حاصل ہوجاتا ہے اور وہ اس سیٹ کو اپنی کھوکھلی عزت کیلئے استعمال کرتے ہیں، صرف ثاقب نثار نہیں ایسے کئی لوگ ہیں۔لیکن ایک دن عہدے کا تحفظ ختم ہوجاتا ہے پھر احساس ہوتا ہے کہ اس بندے نے کیا کام کیے؟ حقائق قوم کو بتانے کی ضرورت نہیں، ان کو خود پتا ہے، اگر قوم کو حقائق نظر نہیں آرہے معاشی اور معاشرتی حقائق سمجھ نہیں

آرہے تو پھر اللہ ہی حافظ ہے، اور پھر کوئی بڑا حادثہ ہی سمجھائے گا۔بہت سارے لوگ ملک سے باہر ہیں، ان کے پیٹ بھرے ہوئے ہیں، وہ پاکستانی سیاست کو باہر بیٹھ کرحقائق دیکھنا شروع کردیتے ہیں، کہتے ہیں کہ اتنے بھی حالات خراب نہیں ہیں، لیکن جب وہ پاکستان میں رہیں گے تو پھر پتا چلے گا لوگ کس طرح رہ رہے ہیں، اگر مہنگائی، بجلی گیس کے بل نہیں سمجھا رہے تو پھر پتا نہیں کیسے سمجھیں گے۔