نواز شریف پی ڈی ایم میں انتشار کے بعد متحرک ہو گئے، خواجہ سعد رفیق کو اہم ذمہ داری سونپ دی

لاہور(آئی این پی) مسلم لیگ (ن )کے قائد نواز شریف پاکستان ڈیموکریٹک موومنٹ میں انتشار کے بعد متحرک ہو گئے۔ خواجہ سعد رفیق کی زیر سرپرستی 10رکنی کمیٹی تشکیل دے دی۔ذرائع کے مطابق نواز شریف نے مسلم لیگ ن کی آئندہ کی حکمت عملی طے کرنے کی ذمہ داری خواجہ سعد رفیق کو سونپ دی۔خواجہ سعد

رفیق کی زیر سرپرستی 10رکنی کمیٹی تشکیل دے دی گئی ہے، کمیٹی میں مریم نواز، حمزہ شہباز، رانا ثنا اللہ، پرویز رشید شامل ہیں، اس کے علاوہ احسن اقبال، جاوید لطیف، عطا تارڑ، ایاز صادق اور مریم اورنگزیب بھی کمیٹی کا حصہ ہیں۔ خصوصی کمیٹی میں سینئر نائب صدر مسلم لیگ ن شاہد خاقان عباسی کو شامل نہیں کیا گیا۔ذرائع کا کہنا ہے کہ کمیٹی مسلم لیگ ن کی پارٹی حکمت عملی طے کرکے بھجوائے گی، کمیٹی سیاسی صورتحال، آئندہ انتخابات اور تنظیم سازی پر سفارشات تیار کرے گی۔ خواجہ سعد رفیق کی زیر صدارت کمیٹی کو میاں نواز شریف کی ایک ہفتہ میں سفارشات تیار کرنے کی ہدایت کی گئی ہے۔ کمیٹی پی ڈی ایم کی حکمت عملی پر بھی سفارشات مرتب کرے گی۔ پیپلزپارٹی کے استعفوں کے موقف پر مسلم لیگ ن اپنی تیاری مکمل کرے گی، پیپلز پارٹی استفعے نہیں دیتی تو مسلم لیگ ن اپنی حکمت پی ڈی ایم کے سامنے رکھے گی۔۔۔۔۔ فواد چوہدری کو کونسی دو وزارتیں دی جائیں گی؟ وفاقی کابینہ میں تبدیلیوں کے حوالے سے ایک اور اہم خبر آگئی اسلام آباد (پی این آئی)فواد چوہدری کو کابینہ میں 2 وزارتیں ملنے کا امکان۔تفصیلات کے مطابق وزیراعظم عمران خان نے اپنی ٹیم میں بڑی تبدیلیاں کرنے کا فیصلہ کیا ہے۔ ذرائع کے مطابق جہاں دیگر وزراء کے قلمدان تبدیل ہونے کا امکان ہے، وہیں وفاقی وزیر برائے سائنس و ٹیکنالوجی کو 2 وزارتیں ملنے کا

امکان ہے۔ وفاقی وزیر برائے سائنس و ٹیکنالوجی کو اطلاعات کی اضافی وزارت دی جائے گی۔جبکہ وزارت خزانہ حاصل کرنے والے حماد اظہر بھی وزارت صنعت و پیداوار بھی سنبھالیں گے۔ جبکہ حفیظ شیخ کو وزیر خزانہ کے عہدے سے ہٹائے جانے کے فیصلے کے حوالے سے وزیر اطلاعات شبلی فراز کی جانب سے نجی ٹی وی چینل کے پروگرام سے گفتگو کرتے ہوئے ان خبروں کی تصدیق کی گئی۔وزیر اطلاعات نے بتایا کہ حفیظ شیخ کو مہنگائی کی وجہ سے عہدے سے ہٹانے کا فیصلہ کیا گیا۔وزیراعظم نے اب نئی معاشی ٹیم لانے کا فیصلہ کیا ہے اس حوالے سے کل تک چیزیں فائنل ہو جائیں گی، جبکہ حفیظ شیخ کے مستقبل کے حوالے سے علم نہیں۔ شبلی فراز نے مزید بتایا ہے کہ وزیراعظم کا کل دوبارہ کرونا ٹیسٹ کیا جائے گا، امید ہے ان کی رپورٹ منفی آئے گی۔ کرونا کو شکست دینے کی صورت میں وزیراعظم عمران خان جمعرات کے روز شیڈول وفاقی کابینہ کے اجلاس کی صدارت کریں گے، اجلاس میں اہم اور حتمی فیصلے کیے جائیں گے۔واضح رہے کہ میڈیا رپورٹس کے مطابق حفیظ شیخ سے وزیر خزانہ کو عہدہ واپس لیا جا رہا ہے، وزیر اعظم عمران خان نے مشیر خزانہ کو عہدہ چھوڑنے کی ہدایت بھی کر دی ہے۔ ندیم بابر سے عہدہ واپس لیے جانے کے بعد کابینہ میں تبدیلیوں کے حوالے سے یہ وزیراعظم عمران خان کا دوسرا بڑا فیصلہ ہے۔ ذرائع کے مطابق حماد اظہر

ملک کے نئے وزیر خزانہ ہوں گے۔ وزیراعظم حماد اظہر کی کارکردگی سے خوش ہیں اسی لیے انہیں وزیر خزانہ بنانت کا فیصلہ کیا گیا۔جبکہ وفاقی کابینہ میں مزید تبدیلیوں کا امکان ہے۔ فیصل جاوید خان اور فرخ حبیب کو بھی اہم وزارتیں سونپی جائیں گی۔ دونوں رہنماوں کو وزیر مملکت بنائے جانے کا امکان ہے، ان کیلئے وزارت اطلاعات و نشریات کو الگ کر کے 2 نئی وزارتیں قائم کی جائیں گی۔ جبکہ سینیٹر شبلی فراز کو وزارت پٹرولیم دی جاسکتی ہے اور وزارت اطلاعات ایک بار پھر فواد چوہدری کو دیے جانے سے متعلق مشاورت کی گئی ہے۔ ذرائع کا کہنا ہے کہ وفاقی کابینہ میں اتحادی جماعتوں متحدہ قومی موومنٹ (ایم کیو ایم) اور بلوچستان عوامی پارٹی(بی اے پی) کوبھی نمائندگی دینے پر مشاورت کی گئی ہے۔وفاقی کابینہ میں ردو بدل کا حتمی فیصلہ وزیراعظم عمران خان کریں گے۔