اسد عمر، حفیظ شیخ کے بعد حماد اظہر بھی ناکام ہو کر چلے جائیں گے ، سابق چیئرمین ایف بی آر شبر زیدی کی پیشنگوئی

اسلام آباد(آئی این پی) فیڈرل بورڈ آف ریونیو (ایف بی آر) کے سابق چیئرمین شبر زیدی نے کہا ہے کہ اب اس ”سٹیٹس کو ”معاشی نظام کو خیر آباد کہنے کا وقت آ گیا ہے ،اسد عمر ، عبدالحفیظ شیخ اور اسحاق ڈار کی پالیسیوں میں کوئی بڑا فرق نہیں دیکھا،عمران خان کو معیشت کی بہتری کیلئے سخت فیصلے لینا

ہونگے ،کامیاب نہیں ہوتے تو انہیں اقتدار چھوڑ دینا چاہیے جبتک معاشی مسائل حل نہیں ہوتے اسمبلیوں میں بیٹھنے کا کوئی فائدہ نہیں، ملک میں 15 روزہ معاشی ایمرجنسی کی ضرورت ہے ،تمام معاشی سرگرمیاں بند کرکے سارے اداروں ، دکانوں اور گاڑیوں کو رجسٹرڈ کیا جائے،بیرونی مرمت سے کام نہیں چلے گا اسی نظام کو بہتر بنانے کیلئے اسد عمر ، حفیظ شیخ ،شبر زیدی آئے سب ناکام ہوئے ، حماد اظہر بھی ناکام ہو کر چلے جائیں گے ،کاسمیٹک سرجری کا وقت ختم ہو چکا ہے ۔منگل کو نجی ٹی وی چینل سے گفتگو کرتے ہوئے سابق چیئرمین ایف بی آر شبر زیدی نے کہا کہ ہمیں اب اس سٹیٹس کو معاشی نظام کو خیر آباد کہنے کا وقت آ گیا ہے ۔ اسی نظام کی وجہ سے میں نے اسد عمر ، عبدالحفیظ شیخ اور اسحاق ڈار کی پالیسیوں میں کوئی بڑا فرق نہیں دیکھا۔ وزیر اعظم عمران خان کو معیشت کی بہتری کے لئے سخت فیصلے لینا ہونگے ۔ اگر وہ اپنے فیصلوں میں کامیاب نہیں ہوتے تو انہیں اقتدار چھوڑ دینا چاہیے جب کہ معاشی مسائل حل نہیں ہوتے اسمبلیوں میں بیٹھنے کا کوئی فائدہ نہیں ۔ جس کا شکار ہم وزراء ہوئے وہ ایک ہی چیز ہے ۔ سب یہی چاہتے ہیں عمارت بھی درست رہے اور بنیادوں کا کھوکھلا پن بھی دور ہو جائے ۔ ہمیں گرا کر نئی عمارت بنانا ہو گی ۔ پاکستانی معیشت کو بڑی سرجری کی ضرورت ہے ۔ 15 دن کے لئے تمام معاشی سرگرمیاں بند کر دیں ۔

سارے اداروں ، دکانوں کو رجسٹرڈ کریں جب کہ بتاتے نہیں وہ کیا کامکرتے ہیں ، پیسہ کہاں سے آیا ، ان کے اکائونٹ بند رکھے جائیں ۔ معیشت کی بیرونی مرمت سے کام نہیں چلے گا اس نظام کو بہتر بنانے کے لئے اسد عمر ، حفیظ شیخ ،شبر زیدی آئے سب ناکام ہوئے ، حماد اظہر بھی ناکام ہو کر چلے جائیں گے ۔ کاسمیٹک سرجری کا وقت ختم ہو گیا۔ پاکستان میں معاشی ایمرجنسی کی ضرورت ہے ۔ کوئی مقدس گائے نہیں میں جانتا ہوں اس ملک کی بہتری کے لئے کیا کرنا چاہیے۔۔۔۔۔