پنجاب میں بڑے منصب پر تبدیلی کا فیصلہ، کس کس کا نام زیر غور؟ جانیئے

لاہور(آئی این پی)صوبائی حکومت نے چیف سیکریٹری پنجاب جواد رفیق ملک کو تبدیل کرنے کا فیصلہ کرلیا ہے، نجی ٹی وی کے مطابق جواد رفیق ملک کو ہٹا کر چیف سیکریٹری پنجاب کے لیے 3نام زیر غور ہیں جن میں سیکرٹری کیبنٹ احمد نواز سکھیرا اور ممبربورڈآف ریونیو بابرحیات تارڑ شامل ہیں،اس حوالے سے ذرایع

کا کہنا ہے کہ وفاقی سیکرٹری اسٹیبلشمنٹ ڈویژن ڈاکٹراعجاز منیر کو بھی چیف سیکریٹری پنجاب بنانے پر غور کیا جارہا ہے،پنجاب حکومت کی جانب سے اس ضمن میں جلد حتمی اعلان سامنے آنے کا امکان ہے، کابینہ اور سینئررہنما پنجاب بیوروکریسی کی کارکردگی سے مطمئن نہیں ہیں۔ ترقیاتی منصوبوں پرسست روی پر بھی سینئررہنما ناخوش ہیں۔۔۔۔۔ اسلام آباد میں تبدیلی آنے لگی، شہر کو سیاح دوست بنانے اور لائیبیریوں کو فعال کرنیکا فیصلہ اسلام آباد (آن لائن)وفاقی ترقیاتی ادارہ (سی ڈی اے)بورڈ میٹنگ کے دوران وفاقی دارالحکومت کو سیاح دوست بنانے اور لائیبریریوں کوفعال کرنیکافیصلہ کیا گیا ہے۔قومی ثقافت کو اجاگر کرنے کیلئے سہولیات کی فراہمی سمیت شہر کے گرین کریکٹر کوبحال کرنے کا بھی اعادہ کیاگیا۔تفصیلات کے مطابق گزشتہ روز وفاقی ترقیاتی ادارہ( سی ڈی اے )سیکرٹریٹ میں نو تشکیل شدہ سی ڈی ایبورڈ کاپہلا تعارفی اجلاس منعقد ہوا۔دوران میٹنگ بورڈممبران کو شہر اورسی ڈی اے کے مسائل سے آگاہ کیا گیا۔وفاقی دارالحکومت کوسیاح دوست بنانے اورسیاحت کو فروغ دینے کیلئے فیسیلٹیزسینٹر (سہولت سینٹر)بنانے کافیصلہ کیا گیاہے، سیاحوں کو سہولیات اور معلومات کی فراہمی کیلئے ان کی خصوصی رہنمائی کی جائے گی۔دوسری جانب اسلام آباد اوراس کے گردونواح میں موجود تاریخی مقامات کی سیاحت کے حوالے سے اہمیت کوبھی

اجاگرکیاجائے گا۔میٹنگ میں فیصلہ کیاگیاکہ کتاب بینی کے فروغ کیلئے شہرمیں موجود لائیبریوں کوفوری طور پرفنگشنل کیاجائے گا۔قومی تہذیب و ثقافت کو اجاگر کرنے کیلئے ثقافتی شوز،تقریبات سمیت دیگر اہم اقدامات اٹھائے جائیں گے۔سی ڈی اے کی پالیسیوں کو عوام دوست بنانے اور شہریوں کومزید بہتر سہولیات زندگی کی فراہمی کا بھی عزم کیاگیا۔بورڈ میٹنگ کے دوران شہر بھر میں صفائی ستھرائی کی صورتحال کا جائزہ لیاگیا اور صفائی کے نظام کو مزید بہتر بنانے کی بھی ہدایات کی گئیں۔شہر کے گرین کریکٹر کوبحال کرنے کیلئے شجرکاری مہم میں مزید تیزی لانے، مرکزی اور اہم شاہراہوں، گلی محلوں،چوک چوراہوں، ایونیوز، گرین بیلٹس ،پارکوں میں موسمی پودوں اور پھولوں کے پودے لگانے کے ساتھ پھلدار پودے لگائے جائیں گے۔شہریوں کوتفریح کی بہترین سہولیات کی فراہمی کیلئے نئی ایکٹیوٹیز متعارف کروانے کے ساتھ پارکوں اور پلے گرائونڈز کوفوری اپ گریڈ کرنے کی بھی ہدایات کی گئیں۔شہر کے روڈ انفرااسٹکچر کی بحالی کیلئے کی جانے والی کاوشوں میں مزید تیزی اور بہتری لانے کی بھی ہدایات جاری کی گئیں۔اجلاس میں بورڈممبران اکادمی ادبیات کے سابق چئیرمین افتخار عارف،ڈاکٹر محمدعلی سمیت دیگر افسران نے شرکت کی،جبکہ بورڈ ممبر نیئرعلی دادا نے میٹنگ میں بذریعہ اسکائیپ شرکت کی۔۔۔۔۔