نیب نے قائم علی شاہ کو غیرقانونی بھرتیوں پر کال اپ نوٹس بھیج دیا، عدالت نے نیب سے بھی بڑا حکم جاری کر دیا

کراچی(آئی این پی ) قومی احتساب بیورو (نیب) نے سابق وزیراعلی سندھ سید قائم علی شاہ کو غیرقانونی بھرتیوں پر کال اپ نوٹس بھیج دیا تاہم عدالت نے نیب کو قائم علی شاہ کو گرفتار کرنے سے روک دیا۔ تفصیلات کے مطابق سابق وزیراعلی سندھ قائم علی شاہ کی مشکلات میں اضافہ ہوگیا ، نیب کی جانب سے قائم علی شاہ

کے خلاف ایک اور انکوائری کا آغاز کرتے ہوئے غیرقانونی بھرتیوں پر ان کو کال اپ نوٹس بھیج دیا۔ جس کے بعد قائم علی شاہ نیگرفتاری سے بچنے کے لیے درخواست ضمانت دائر کردی اور مقف اختیار کیا کہ گرفتاری کاخدشہ ہے، ضمانت دی جائے۔ بعد ازاں سندھ ہائی کورٹ میں سابق وزیر اعلی سندھ قائم علی شاہ کی درخواست ضمانت پر سماعت ہوئی ، بیریسٹر ضمیر گھمرو نے عدالت کو بتایا نیب نے محکمہ اطلاعات میں غیر قانونی بھرتیوں پر قائم علی شاہ کو کال اپ نوٹس بھیجا ہے، جن بھرتیوں کی انکوائری نیب کر رہا ہے انکو عدالتی حکم پر ریگیولر کیا گیا تھا۔ عدالت نے غیر قانونی بھرتیاں اور اختیارات کے ناجائز استعمال کے معاملے پر سابق وزیراعلی سندھ سید قائم علی شاہ کی ایک اور نیب انکوائری میں عبوری ضمانت منظور کرلی ہے، عدالت نے سابق وزیر اعلی سندھ قائم علی شاہ کی ایک لاکھ روپے کے عوض ضمانت منظور کرتے ہوئے آئندہ سماعت تک نیب حکام کو گرفتاری سے روک دیا جبکہ درخواست پر نیب کو نوٹس جاری کرتے ہوئے 7 اپریل تک جواب طلب کرلیا ہے۔۔۔۔ تحریک انصاف حکومت کا بڑا کریڈٹ، ملک میں ٹیکس دینے والوں کی تعداد میں اضافہ ہو گیا، ملکی خزانہ لبالب بھر گیا اسلام آباد (پی این آئی) ملک میں انکم ٹیکس گوشوارے جمع کروانے والوں کی تعداد میں ریکارڈ اضافہ ہوگیا ، ایف بی آر نے اپنے ہدف سے بھی زیادہ

ریونیو حاصل کرلیا۔ تفصیلات کے مطابق فیڈرل بورڈ آف ریونیو کی جانب سے رواں مالی سال کے پہلے 8 ماہ میں حاصل کردہ محصولات کی تفصیلات جاری کی گئی ہیں ، جن میں بتایا گیا ہے کہ مقررہ ہدف کے مقابلے میں106 فیصد اضافہ ہوچکا ہے ، جہاں جولائی تا فروری 2916 ارب روپے کا نیٹ ریونیو حاصل کیا گیا جو کہ ایف بی آر کے مقرر کردہ ہدف 2898 ارب روپے سے ہے ، جب کہ پچھلے سال اس عرصے کے حاصل نیٹ ریونیو 2570 ارب روپے کے مقابلے میں بھی زیادہ ہے۔ایف بی آر کے مطابق رواں برس 28 فروری 2021ء تک انکم ٹیکس گوشوارے داخل کرنے والوں کی تعداد 26 لاکھ 23 ہزار ہوچکی ہے ، جو کہ پچھلے سال اس عرصہ تک انکم ٹیکس گوشوارے داخل کرنے والوں کی تعداد 24 لاکھ 30 ہزار تھی۔بتایا گیا ہے کہ رواں مالی سال 8 ماہ میں گراس ریونیوپچھلے سال کے 2823 ارب روپے کے مقابلے میں3068ارب روپے رہا ، یوں رواں مالی سال کے پہلےآٹھ ماہ میں گراس ریونیو میں 9 فیصد اضافہ ہوا جب کہ صرف فروری کے ایک مہنے میں ریونیو نیٹ کولیکشن 343 ارب روپے رہا جب کہ مقرر کردہ ہدف 325 ارب روپے تھا۔فیڈرل بورڈ آف ریونیو کا کہنا ہے کہ ٹیکس گوشوارے داخل کرنے والوں کی تعداد میں 8 فیصد اضافہ حاصل ہوا ہے جب کہ ٹیکس گوشوارں کے ساتھ ادا شدہ ٹیکس 49.6 ارب روپے رہا جو پچھلے سال کے اس عرصے میں31

ارب روپے تھا ، مزید یہ کہ رواں مالی سال میں اب تک 152 ارب روپے کے ریفنڈز جاری کیے جا چکے ہیں جب کہ ریفنڈز پچھلے سال اس عرصہ میں79 ارب روپے تھے اور اس سال اب تک ریفنڈز کے اجراء میں 97 فیصد اضافہ حاصل کیا گیا۔