حمزہ شہباز کی رہائی کے بعد ن لیگ کے اندر جنگ ہو گی کہ ولی عہد کون ہے؟ بڑا دعویٰ کر دیا گیا

اسلام آباد (پی این آئی) حمزہ شہباز کی رہائی کے بعد ن لیگ کے اند رجنگ ہو گی کہ ولی عہد کون ہے؟ مریم نواز کو آنے والے دنوں میں کن مشکلات کا سامنا ہو گا؟ شہباز گل نے حیرت انگیز پیشنگوئی کر دی ہے، ڈاکٹر شہباز گل کا کہنا ہے وہ مریم نواز کو آنے والے دنوں میں مشکل میں گھرا دیکھ رہے ہیں۔وزیر اعظم کے

معاون خصوصی برائے سیاسی امور شہباز گل نے دعویٰ کیا کہ پیپلزپارٹی ہو یا پی ڈی ایم، یہ سینیٹ کا الیکشن نہیں جیت سکتے، پی ڈی ایم کے بہت سارے لوگ ان سے رابطے میں ہیں، پی ڈی ایم کے اپنے لوگ ان کو ووٹ نہیں دیں گے۔ انہوں نےدعویٰ کیا کہ حمزہ شہباز کی رہائی پر مریم نواز پر زیادہ پریشر پڑا ہے، حمزہ کی رہائی کے بعد اب جنگ ہوگی کہ نیا ولی عہد کون ہوگا؟ انہوں نےپیشنگوئی کی کہ وہ مریم نواز کو آنے والے دنوں میں مشکل میں گھرا دیکھ رہے ہیں۔۔۔۔۔ سکولوں میں بچوں کی سو فیصد حاضری ممکن نہیں، صوبائی حکومت نے تمام تعلیمی اداروں میں پچاس فیصد حاضری کی پالیسی برقرار رکھنے کا اعلان کر دیا کراچی (پی این آئی) سندھ حکومت نے 100 فیصد بچوں کو اسکول بلوانے کی مخالفت کردی ۔ تفصیلات کے مطابق میڈیا سے گفتگو کرتے ہوئے صوبائی وزیر سندھ سعید غنی نے کہا کہ کورونا کے خاتمے پر ہی اسکولوں میں 100 فیصد حاضری کی اجازت دیں گے ۔ فی الحال 100 فیصد بچوں کی اسکول حاضری کی اجازت نہیں دیں گے ۔ انہوں نے سوال اٹھایا کہ 100 فیصد بچوں کو اسکول بلائیں گے تو فاصلہ کیسے برقرار رہے گا ؟۔سعید غنی نے اعلان کیا کہ سندھ کے تعلیمی اداروں میں 50 فیصد حاضری ہی جاری رہے گی اور کورونا کے خاتمے پر ہی اسکولوں میں 100 فیصد حاضری کی اجازت دیں گے ۔ یاد رہے گزشتہ روز وفاقی

وزیر تعلیم شفقت محمود نے اعلان کیا تھا کہ ملک بھر میں تمام اسکول یکم مارچ سے 5 دن کلاسز کے معمول پر واپس چلے جائیں گے۔کلاسز کو گروپوں میں تقسیم کر کے پڑھانے کی پابندی کا اطلاق بھی 28 فروری سے ختم ہوجائے گا، حکومت کا یہ فیصلہ ہر سرکاری اور نجی تعلیمی ادارے پر لاگو ہوگا۔انہوں نے کہا کہ اللہ کی رحمت سے کورونا کیسز میں کمی کے باعث حالات معمول پر آ رہے ہیں۔ اسی طرح پنجاب، سندھ اور بلوچستان کے سکولوں کے سربراہان نے صوبائی محکمہ تعلیم کی روشنی میں سکولوں کھولنے کا فیصلہ کیا تھا، اسی طرح ہر صوبے اور شہر میں کورونا کیسز کی صورتحال مختلف ہے جس کے باعث صوبائی حکومتیں کورونا حالات کو دیکھ کر تعلیمی اداروں سے متعلق فیصلے کریں گی۔ جیسا کہ محکمہ تعلیم پنجاب نے آج اعلان کیا ہے کہ 31مارچ تک پرانی پالیسی برقرار رکھی جائے گی۔ پنجاب کے 7 شہروں میں 50 فیصد حاضری کا ہی اعلان کیا گیا تھا تاہم اب سندھ حکومت نے بھی 100 فیصد حاضری کی مخالفت کردی ہے ۔