سینٹ الیکشن، وزیراعلیٰ نے اتحادیوں کو منانے کا سلسلہ شروع کر دیا، کئی اتحادیوں نے مہلت مانگ لی

کوئٹہ( این این آئی)سینٹ انتخابات سے قبل بلوچستان عوامی پارٹی کے صدر وزیراعلیٰ جام کمال خان نے اتحادیوں کو منانے کا سلسلہ شروع کردیا ۔اتوار کو وزیر اعلیٰ جام کمال کی جانب سے ہنہ ریسٹ ہاؤس میں پارلیمانی اتحادیوں کے اعزاز میں ظہرانہ دیا گیا جس میں چیئرمین سینٹ صادق سنجرانی ، پی ٹی آئی کے

پارلیمانی لیڈر سردار یار محمد رند صوبائی وزراء ارکان اسمبلی نے شرکت کی۔ اجلاس میں سینیٹ انتخابات کے حوالے سے حکمت عملی پر غور و غوض کیا گیا ۔اجلاس میں وزیراعلیٰ جام کمال اور چیئرمین سینٹ صادق سنجرانی نے سردار یار محمد رند کو منانے کی کوشش کی ۔وزیر اعلیٰ نے کہا کہ پی ٹی آئی کے ساتھ مل کر الیکشن میں حصہ لیں گے ۔وزیراعلیٰ اور چیئرمین سینٹ کی سردار یار محمد رند سے بیٹے کو دستبردار کرنے کی درخواست بھی کی جس پر سردار یار محمد رند نے ساتھیوں سے مشاورت کے لئے مہلت مانگ لی ۔واضح رہے کہ پی ٹی آئی کی مرکزی قیادت بھی صوبائی قیادت کو منانے جلد کوئٹہ پہنچے گی۔۔۔۔ سکولوں میں بچوں کی سو فیصد حاضری ممکن نہیں، صوبائی حکومت نے تمام تعلیمی اداروں میں پچاس فیصد حاضری کی پالیسی برقرار رکھنے کا اعلان کر دیا کراچی (پی این آئی) سندھ حکومت نے 100 فیصد بچوں کو اسکول بلوانے کی مخالفت کردی ۔ تفصیلات کے مطابق میڈیا سے گفتگو کرتے ہوئے صوبائی وزیر سندھ سعید غنی نے کہا کہ کورونا کے خاتمے پر ہی اسکولوں میں 100 فیصد حاضری کی اجازت دیں گے ۔ فی الحال 100 فیصد بچوں کی اسکول حاضری کی اجازت نہیں دیں گے ۔ انہوں نے سوال اٹھایا کہ 100 فیصد بچوں کو اسکول بلائیں گے تو فاصلہ کیسے برقرار رہے گا ؟۔سعید غنی نے اعلان کیا کہ سندھ کے تعلیمی

اداروں میں 50 فیصد حاضری ہی جاری رہے گی اور کورونا کے خاتمے پر ہی اسکولوں میں 100 فیصد حاضری کی اجازت دیں گے ۔ یاد رہے گزشتہ روز وفاقی وزیر تعلیم شفقت محمود نے اعلان کیا تھا کہ ملک بھر میں تمام اسکول یکم مارچ سے 5 دن کلاسز کے معمول پر واپس چلے جائیں گے۔کلاسز کو گروپوں میں تقسیم کر کے پڑھانے کی پابندی کا اطلاق بھی 28 فروری سے ختم ہوجائے گا، حکومت کا یہ فیصلہ ہر سرکاری اور نجی تعلیمی ادارے پر لاگو ہوگا۔انہوں نے کہا کہ اللہ کی رحمت سے کورونا کیسز میں کمی کے باعث حالات معمول پر آ رہے ہیں۔ اسی طرح پنجاب، سندھ اور بلوچستان کے سکولوں کے سربراہان نے صوبائی محکمہ تعلیم کی روشنی میں سکولوں کھولنے کا فیصلہ کیا تھا، اسی طرح ہر صوبے اور شہر میں کورونا کیسز کی صورتحال مختلف ہے جس کے باعث صوبائی حکومتیں کورونا حالات کو دیکھ کر تعلیمی اداروں سے متعلق فیصلے کریں گی۔ جیسا کہ محکمہ تعلیم پنجاب نے آج اعلان کیا ہے کہ 31مارچ تک پرانی پالیسی برقرار رکھی جائے گی۔ پنجاب کے 7 شہروں میں 50 فیصد حاضری کا ہی اعلان کیا گیا تھا تاہم اب سندھ حکومت نے بھی 100 فیصد حاضری کی مخالفت کردی ہے ۔