الیکشن کمیشن خود دوبارہ الیکشن کا مطالبہ کر رہا ہے، ن لیگ کے لیڈر کا دعویٰ

اسلام آباد(آن لائن)مسلم لیگ (ن) کی نائب صدر مریم نواز کے ترجمان محمد زبیر نے کہا ہے کہ الیکشن کمیشن نے تسلیم کیا ہے کہ ضمنی انتخابات میں دھاندلی ہوئی ہے اور وہ دوبارہ الیکشن کا مطالبہ کر رہا ہے۔نجی ٹی وی سے گفتگو میں انہوں نے کہا کہ حکومت نے بدترین دھاندلی کی ہے،حکومت کے خلاف لانگ

مارچ ہوگا،2018ء کے الیکشن میں ہمارے خلاف بدترین دھاندلی کی گئی تھی،2018ء الیکشن بدترین دھاندلی زدہ تھا،ضمنی الیکشن میں اگر ہمارے کارکن ووٹ کا دفاع نہ کرتے تو یہ الیکشن بھی حکمران جماعت چوری کرلیتا۔انہوں نے کہا کہ ضمنی الیکشن میں کارکن تمام پولنگ اسٹیشن پر پہرہ دیتے رہے اور کسی کو ووٹ چوری نہیں کرنے دیا۔انہوں نے کہا کہ ہماری لیڈر شپ نے اپنے حق اور ووٹ کے تحفظ کیلئے جارحانہ بیانات دئیے تھے۔انہوں نے کہا کہ ہم آئندہ الیکشن میں بھی ووٹ کا بھرپور دفاع کریں گے،ہمارا ماٹو ہے کہ ووٹ کو عزت دو اور ہم آخری سانس تک اس کا دفاع کریں گے عمران خان اسمبلیاں توڑنے کا رسک نہیں لے سکتے، کتنے اراکین اسمبلی بک چکے ہیں؟ سیاسی میدان میں ہلچل مچ گئی اسلام آباد (پی این آئی) نجی ٹی وی چینل کے پروگرام میں بات کرتے ہوئے سینئیر صحافی و تجزیہ کار عارف حمید بھٹی نے عمران خان کی جانب سے اسمبلیاں توڑنے کی زیر گردش خبروں پر بات کرتے ہوئے کہا کہ اسمبلیاں توڑنا ناممکن ہے ، ان حالات میں جب مہنگائی عروج پر ہے اور حکومت کوئی بہت بہتر کام نہیں کر سکی، اسمبلیاں توڑنے کا رسک نہیں لیا جائے گا۔انہوں نے کہا کہ 14 میں سے 6 لوگ بہت بڑا بیگ لے چکے ہیں۔ ایک بندہ دبئی سے چلا اور کراچی اُترا، اُس سے قبل اُس کا لندن میں رابطہ ہوا۔ جب نوٹ لیتے ہوئے لوگوں کو دیکھ لیں اور کارروائی نہ

ہو ، وہ لوگ سینیٹ میں بیٹھے ہوں تو دیکھا دیکھی اور سینیٹرز بکیں گے۔ 14 لوگوں کا مطلب ہے کہ اگر یہ لوگ واقعی عمران خان سے ناراض ہیں اور ناراضگی کی وجہ سے یہ لوگ پی ڈی ایم چلے گئے تو عدم اعتماد کی تحریک بھی آ سکتی ہے لیکن میرے خیال میں ایسا کچھ نہیں ہو گا۔لیکن یہ بہت بڑا سوالیہ نشان ہے کہ وزیراعظم عمران خان کی آمد پر پشاور میں چودہ لوگ کیوں غیر حاضر تھے۔ وزیراعظم عمران خان اکیلا شخص ہے جو محنت کر رہا ہے اور یہ خود پرویز خٹک نے تباہ کیا ہے۔ انہوں نے کہا کہ بوریوں کے نہیں بینکوں کے منہ کھول دیے گئے ہیں۔ سینیٹ کا الیکشن سر پر ہے اور لاہور میں ایک بندہ بڑے بڑے بیگز لے کر بیٹھا ہوا ہے اور جنوبی پنجاب سے تین ایم پی ایز آئیں گے۔انہوں نے پروگرام میں بات کرتے ہوئے کہا کہ ایک طرف یوسف رضا گیلانی نے کہا کہ فوج غیر جانبدار ہے جبکہ دوسری جانب مریم نواز کہہ رہی ہیں کہ فوج جانبدار ہے ، ان کے آپس میں ہی اختلافات ہیں۔ کیا مریم نواز یوسف رضا گیلانی کے اس بیان کی تردید کریں گی ؟