پاکستان کے علاوہ کن کن ممالک میں زلزلے کے جھٹکے محسوس کئے گئے؟ تفصیلات آگئیں

لاہور(پی این آئی)پاکستان سمیت ایشا کے بیشتر ممالک میں زلزلے کے شدید جھٹکے محسوس کیے گئے۔غیر ملکی خبررساں ادارے کے مطابق بھارت،تاجکستان اورافغانستان میں بھی زلزلے کے جھٹکے محسوس کئیے گئے۔زلزلے کا مرکز تاجکستان تھا۔ پاکستان میں اس کی گہرائی 80 کلومیٹر ریکارڈ کی گئی ہے۔ایدھی حکام

کے مطابق لاہور اور گرد و نواح میں زلزلے کے جھٹکے کیے گئے۔ابتدائی اطلاعات میں لاہور میں کسی مالی اور جانی نقصان کی اطلاع موصول نہ ہوئی ہے۔ زلزلے کا مکمل ڈیٹا، تفصیلی رپورٹ جاری اسلام آباد، راولپنڈی ، پشاور اور دیگر علاقوں میں زلزلے کے جھٹکے محسوس کیے گئے ہیں۔اس کے علاوہ مردان، شمالی وزیرستان، سوات اور باجوڑ میں بھی زلزلے کے جھٹکے محسوس کیے گئے۔جہلم ، ملتان، سرگودھا، فیصل آباد، لاہور، مظفر آباد اور میرپور آزادکشمیر میں بھی زلزلے کے جھٹکےمحسوس کیے گئے۔ صوبہ خیبرپختونخوا اور پنجاب کے علاوہ بلوچستان کے علاقوں قلعہ عبداللہ، پشین اور توبہ اچکزئی میں بھی زلزلے کے جھٹکے محسوس کیے گئے۔ زلزلے کے جھٹکے جن علاقوں میں محسوس کیے گئے وہاں سے فی الحال کسی قسم کے نقصان کی اطلاع موصول نہیں ہوئی۔پاکستان میٹ ڈپارٹمنٹ کا کہنا ہے کہ زلزلہ پاکستانی وقت کے مطابق رات 10 بجکر 2 منٹ پر آیا جس کی شدت 6.4 ریکارڈ کی گئی جبکہ گہرائی 80 کلو میٹر زیر زمین تھی۔زلزلہ پیما مرکز کا کہنا ہے کہ زلزلےکے آفٹرشاکس بھی آسکتے ہیں۔دوسری جانب ڈائریکٹر جنرل ریسکیو پنجاب نے ہائی الرٹ جاری کردیا ہے۔ ترجمان کے مطابق ڈی جی ریسکیوپنجاب نے ریسکیو 1122 کوہائی الرٹ کردیا تاہم ابھی تک زلزلے سے کسی جانی نقصان کی اطلاع نہیں ملی۔صوبہ خیبرپختونخوا کے پرونشل ڈیزاسٹر منیجمنٹ اتھارٹی (پی ڈی ایم اے) کے ڈائریکٹر جنرل کا بھی کہنا ہے کہ زلزلے سے ابھی تک کسی نقصان کی اطلاع نہیں ملی، پی ڈی ایم اے ضلعی انتظامیہ کے ساتھ مسلسل رابطے میں ہے۔ڈی جی پی ڈی ایم اے نے بتایا کہ پی ڈی ایم اے کا کنٹرول روم مکمل فعال ہے۔