اسلام آباد(آئی این پی )پولیس نے چیف جسٹس اسلام آباد ہائیکورٹ کے چیمبر پر دھاوابولنے اور توڑ پھوڑ کے مقدمے میں نامز دسیکرٹری اسلام آباد بار ایسوسی ایشن حافظ لیاقت منظور کمبوہ اور ایڈووکیٹ سردار نجم عباس کو گرفتارکرلیا۔ تفصیلات کے مطابق جمعرات کو سی آئی اے پولیس نے چیف جسٹس اسلام آباد
ہائیکورٹ کے چیمبر پر دھاوابولنے اور توڑ پھوڑ کے مقدمے میںایف ایٹ کچہری سے سیکرٹری اسلام آباد بار ایسوسی ایشن حافظ لیاقت منظور کمبوہ کو گرفتار کرلیا جبکہ ایڈووکیٹ سردار نجم عباس کو بھی ایف ایٹ کچہری سے گرفتارکیاگیا ہے ۔گرفتار وکیل تھانہ مارگلہ میں ہونے والی ایف آئی آر میں نامزد ہیں ۔ دوسری جانب وکلاء نے سیکرٹری اسلام آباد بار ایسوسی ایشن کی گرفتاری کی شدید مذمت کرتے ہوئے کہاکہ کسی ادارے کے منتخب قیادت کو اس کے ادارے سے گرفتار کر نا ادارے کی توہین ہے ۔اسلام آباد بار ایسوسی ایشن اور دیگر وکلا کو کو ہراساں کرنا بند کیا جائے ۔۔۔۔سینیٹ الیکشن سے قبل جوڑ توڑ شروع، پی ڈی ایم کے دو سینیٹرز مستعفی ہو کر حکومتی اتحاد کا حصہ بن گئےاسلام آباد (پی این آئی) پاکستان ڈیموکریٹک موومنٹ میں شامل جماعتوں کے 2سینیٹرز نے استعفیٰ دے دیا ہے، اے این پی کی سینیٹرستارہ ایاز اور نیشنل پارٹی کے ڈاکٹر اشوک نے استعفیٰ دیاہے، دونوں بلوچستان عوامی پارٹی کی ٹکٹ پر سینیٹ الیکشن میں حصہ لیں گے۔ تفصیلات کے مطابق سینیٹ الیکشن سے قبل اپوزیشنجماعتوں عوامی نیشنل پارٹی اور نیشنل پارٹی کے 2 سینیٹرز ازخود مستعفی ہوگئے ہیں۔میڈیا رپورٹ میں کہا گیا کہ دونوں نے سینیٹرز نے اپنے استعفے دینے کی تصدیق بھی کردی ہے۔ ان سینیٹرز میں اے این پی کی ستارہ ایاز اور نیشنل پارٹی کے ڈاکٹر اشوک شامل ہیں۔
بتایا گیا ہے کہ ستارہ ایاز اور ڈاکٹر اشوک اب بلوچستان عوامی پارٹی کی ٹکٹ پر سینیٹ الیکشن میں حصہ لیں گے۔دوسری جانب الیکشن کمیشن نے سینیٹ انتخابات2021 ء کا شیڈول جاری کردیا ہے۔سینیٹ الیکشن 3 مارچ بروزبدھ کو ہونگے۔صبح 9 بجے سے 5 بجے تک سینیٹ انتخابات کے لیے پولنگ قومی اسمبلی سمیت چاروں صوبائی اسمبلیوں میں ہوگی۔ الیکشن کمیشن کی جانب سے جاری نوٹیفیکیشن کے مطابق سینیٹ انتخابات کیلئے کاغذات نامزدگی12سے 13فروری تک وصول کئے جائیں گے۔کاغذات نامزدگی کی اسکروٹنی 15 اور16 فروری کو ہوگی۔ کاغذات نامزدگی منظور یا مسترد کرنے کے خلاف اپیلیں 17 اور 18 فروری کو دائر کی جاسکیں گی۔اپیلوں پر الیکشن کمیشن 19 اور 20 فروری کو فیصلہ کرکے نمٹائے گا۔ 21 فروری کو امیدواروں کی فہرستیں جاری کی جائیں گی۔ امیدوارچاہے تو 22 فروری تک دستبردارہوسکتی ہیں جبکہ کاغذات نامزدگی کیساتھ پارٹی ٹکٹ لگانا لازمی ہوگا۔ صبح 9بجے سے 5 بجے تک سینیٹ انتخابات کے لیے 46 نشستوں پرپولنگ قومی اسمبلی سمیت چاروں صوبائی اسمبلیوں میں ہوگی۔ الیکشن کمیشن نیسینیٹ انتخابات کے لیے اسلام آباد سمیت چاروں صوبوں کے لیےریٹرننگ افسران مقرر کردیے ہیں۔نوٹیفیکیشن میں کہا گیا کہ سینیٹ انتخابات کے لیے پولنگ قومی اسمبلی اور چاروں صوبائی اسمبلیوں میں ہوگی جس کیلیے ریٹرننگ افسران اور پولنگ افسران کی تقرری کی گئی ہے۔اسلام آباد میں اسپیشل سیکریٹری ظفر اقبال ریٹرننگ افسر ہوں گے جبکہ
شمشاد خان، شاہد اقبال، آصف علی یاسین و دیگر اسلام آباد کے پولنگ افسران مقرر کیے گئے۔
تازہ ترین خبروں کے لیے پی این آئی کا فیس بک پیج فالو کریں
