سرکاری ملازمین کی موجیں لگ گئیں، ایک ساتھ تین تعطیلات مل گئیں

اسلام آباد (پی این آئی) سرکاری ملازمین کو ایک ساتھ 3 تعطیلات مل گئیں۔ تفصیلات کے مطابق رواں سال کی پہلی عام تعطیل سرکاری ملازمین کیلئے ایک ساتھ 3 تعطیلات کی خوشخبری لائی ہے۔ بتایا گیا ہے کہ وفاق سمیت تمام صوبائی حکومتوں نے کل 5 فروری بروز جمعہ کو عام تعطیل کا اعلان کیا ہے۔ 5 فروری کو یوم

یکجہتی کشمیر کے سلسلے میں ملک بھر میں عام تعطیل ہوگی، جبکہ 6 اور 7 فروری کو ہفتے اور اتوار کی ہفتہ وار تعطیلات ہوں گی۔یوں سرکاری ملازمین کو ایک ساتھ 3 عام تعطیلات مل گئی ہیں۔ان 3 ایام میں وفاقی، صوبائی، ذیلی، خود مختار ، مقامی حکومتوں کے تحت کام کرنے والے ادارے، عدالت عظمی، عدالت عالیہ اورماتحت عدالتیں، بینک ،مالیاتی ادارے اور کاروباری مراکز بند رہیں گے ۔ کل بروز جمعہ 5فروری کو آزاد کشمیر سمیت پاکستان اور دنیا بھر میں یوم یکجہتی کشمیر روایتی جوش و جذبے سے منایا جائے گا۔ اس دن کی مناسبت سے ملک کے مختلف شہروں میں کشمیریوں سے اظہار یکجہتی کیلئے ملک کی دینی و سیاسی جماعتوں کی جانب سے جلوس او ریلیاں نکالی جائیں گی جبکہ خصوصی تقریبات کا انعقاد بھی کیا جائے گا۔ کل ملک میں کشمیری شہداء کی یاد میں ملک بھر میں ایک منٹ کی خاموشی بھی اختیار کی جائے گی ۔ آل گورنمنٹ ایمپلائز گرینڈ الائنس کے پلیٹ فارم سے تمام سرکاری ملازمین کا احتجاجی جلسہ آل گورنمنٹ ایمپلایز گرینڈ الائنس کے پلیٹ فارم سے تمام سرکاری ملازمین کا اپنے حقوق کے حصول کیلئے گورنمنٹ سینٹینل ماڈل ہائی سکول کے سامنے احتجاجی جلسہ اور مظاہرہ منعقد ہوا۔ جلسہ کی صدارت AGEGA لوئیر چ ترال کے صدر امیر الملک نے کیا جبکہ پیرا میڈیکل ایسوسی ایشن کے صدر جمال الدین اور دیگر عہدہ داران بھی اسٹیج پر موجود تھے۔ اس احتجاجی مظاہرے میں تمام قائدین کی طرف سے مشترکہ فیصلہ کیا گیا کہ اب حکومت کے ساتھ مذاکرات کا کھیل نہیں کھیلا جائے گا۔ مقررین نے کہا کہ صرف اور صرف نوٹیفیکیشن جاری کرنے پر بات ہوگی۔ مظاہرے میں مشترکہ چارٹر آف ڈیمانڈ بھی جاری کیا گیا جس کے مطابق تمام ایڈہاک ریلیف کو بنیادی تنخواہ میں شامل کرکے پے سکیل ریوایز اور مہنگائی کے تناسب سے تنخواہوں میں اضافہ کیا جائے۔ متفقہ قرارداد کے ذریعے حکومت سے مطالبہ کیا گیا کہ میڈیکل الاؤنس اور کنونس میں

مہنگائی کے تناسب سے اضافہ کیا جائے۔ یوٹیلیٹی الاؤنس، ایزیکٹیو الاؤنس، ٹیکنیکل الاؤنس، ٹیچنگ الاؤنس مساوی بنیادی پر تمام سرکاری ملازمین کو بلا تفریق ایک جیسا دیا جائے۔قرارداد میں مطالبہ کیا گیا کہ تمام ملازمین کو بلا تفریق جدید ٹایم سکیل دیا جائے، تمام ملازمین کو ہاؤس رینٹ الاؤنس جاری بنیادی تنخواہ پر بلا تفریق پچاس فی صد دیا جائے۔ ایڈہاک ازم اور کنٹریکٹ پالیسی کا حاتمہ کیا جائے۔ ملک بھر میں ملازمین اور محنت کشوں کے حوالے آئی ایم ایف کا اثر رسوح حتم کیا جائے۔ احتجاجی جلسہ جمال الدین کے دعائیہ کلمات کے ساتھ منتشر ہوا۔ اس جلسے میں اور احتجاجی مظاہرے میں کثیر تعداد میں ملازمین نے شرکت کی۔