لاہور ،ایکسپو سینٹر میں قائم کورونا ہسپتال کی بجلی کا بل 4 کروڑ 35 لاکھ روپے واجب الادا، لیسکو نے بجلی منقطع کرنے کا نوٹس بھجوا دیا، گزشتہ سال مارچ سے ایک بل بھی ادا نہیں کیا

لاہور( این این آئی) لاہور الیکٹرک سپلائی کمپنی نے بجلی کے بل کی عدم ادائیگی پر ایکسپو سینٹر میں قائم کورونا فیلڈ ہسپتال کی بجلی منقطع کرنے کا نوٹس بھجوا دیا ۔ذرائع کے مطابق فیلڈ ہسپتال انتظامیہ نے گزشتہ سال مارچ سے اب تک ایک بل بھی ادا نہیں کیا اور مجموعی طور پر 4کروڑ 35لاکھ روپے کے بل واجب

الادا ہیں۔ذرائع کا کہنا ہے کہ دس ماہ گزرنے کے باوجود عدم ادائیگی پر بجلی منقطع کرنے کا فیصلہ کیا گیا ہے اور نوٹس بھی بھجوا دیا گیا۔ پنجاب حکومت نے کورونا وائرس کے دوران ایکسپو سنٹر میں فیلڈ ہسپتال اور قرنطینہ سینٹر قائم کیاتھا۔۔۔۔۔ تحریک انصاف کے 25 ایم این ایز رابطے میں ہیں، پیپلزپارٹی کا دعویٰ کراچی(آئی این پی ) پیپلز پارٹی کے رہنما فیصل کریم کنڈی نے کہا ہے کہ تحریک انصاف کے 25 ایم این ایز ہمارے رابطے میں ہیں،ہم سے وہ این آر او مانگ رہے ہیں ہم دے نہیں رہے ہیں،جب یہ حکومت آئی توسب سے پہلا بحران پیدا ہوا، ملک معاشی طور اور سیاسی طور پرختم کردیا گیا،کرپشن میں ملک کوآگے کردیا، براڈشیٹ بھی اس حکومت کے خلاف چارج شیٹ ہے۔ پاکستان پیپلز پارٹی کی مرکزی سیکریٹری اطلاعات شازیہ مری کے ہمراہ پریس کانفرنس کرتے ہوئے فیصل کریم کنڈی نے کہا کہ جب یہ حکومت آئی توسب سے پہلا بحران پیدا ہوا، ملک معاشی طور اور سیاسی طور پرختم کردیا گیا، کل رات عوام پرپیٹرول بم گرادیا گیا، 50 لاکھ گھر اورایک کروڑ نوکریاں تونہیں دی، البتہ ادارے بند کئے گئے اور پشاورسے کراچی تک گھر مسمارکئے جارہے ہیں، جب کہ بنی گلہ کومستقل کیا گیا، کہتے تھے چھوٹی کابینہ بنا وں گا اور سب سے بڑی بنادی۔فیصل کریم کا کہنا تھا کہ یہ لوگ کرپشن سے پاک پاکستان بنانے جارہے تھے، کرپشن میں ملک کوآگے

کردیا، براڈشیٹ بھی اس حکومت کے خلاف چارج شیٹ ہے، نیب کے اوپر ایف آئی آر ہے، کرائے کے ترجمان کہتے ہیں یہ مدینے کی ریاست بنائیں گے کیا اس طرح بنائیں گے۔رہنما پیپلزپارٹی نے دعوی کیا کہ پیپلزپارٹی ہارس ٹریڈنگ پر یقین نہیں رکھتی لیکن تحریک انصاف کے 25 ایم این اے ہمارے رابطے میں ہیں، سلیکٹرز ان پر سے ہاتھ ہٹھا دیں تو ایک ہفتے میں ان کی حکومت ختم ہوگی، سلیکٹرز سیاستدانوں کو سیاست کرنے دیں۔ استعفوں سے پیچھے نہیں ہٹھے ہمارے استعفی ایٹم بم ہیں، جو بھی پی ڈی ایم کا متفقہ فیصلہ ہے اس پر عمل کریں گے، ہم سے وہ این آر او مانگ رہے ہیں ہم دے نہیں رہے ہیں۔ شازیہ مری کا کہنا تھا کہ سال کے شروع میں تخمینہ لگائیں تو پیٹرول کی قیمت میں 9 روپے اضافہ ہوا ہے، پاکستان کو روز بہ روز نقصان اٹھانا پڑ رہا ہے، وزیر اعظم کو ٹی وی اور بیوی سے پتا چلتا ہے پاکستان میں کیا ہورہاہے، یہ اپنے خلاف حقیقت سننا پسند نہیں کرتے ہیں۔