فیصل آباد(آن لائن )ضلعی انتظامیہ نے ڈسٹرکٹ ہیلتھ اتھارٹی کی سفارشات پر کورونا کے بڑھتے کیسز کے پیش نظر مزید 3 مقامات پر سمارٹ لاک ڈاؤن نافذ کرنے کی منظوری دے دی اس سلسلے میں جاری ہونے والے نوٹیفیکیشن کے مطابق چک 191 رب کے علاقے سے کورونا کے 8 مریض،گورنمنٹ
ایم سی ہائر سیکنڈری سکول علامہ اقبال روڈ میں 4 طالب علم اور گورنمنٹ گرلز ہائر سیکنڈری سکول چک 202 میں 3 طالبات میں کرونا وائرس کی تصدیق ہونے پر ان مقامات پر سمارٹ لاک ڈائون لگانے کی منظوری دی گئی۔ضلعی انتظامیہ نے لاک ڈاؤن کے نفاذ کیلئے متعلقہ اداروں کو انتظامات کا بھی حکم جاری کردیاہے۔ڈپٹی کمشنر محمد علی نے کہا ہے کہ لاک ڈاؤن کا مقصد شہریوں کی سرگرمیوں کو محدود کرنا ہے۔انہوں نے کہا کہ شہری ماسک کا استعمال کریں اور احتیاطی تدابیر پر ذمہ داری سے عمل کریں۔۔۔۔۔غریب ممالک کے قرض مؤخر کیے جائیں، وزیراعظم عمران خان نے اقوام متحدہ میں تجویز پیش کر دیاسلام آباد (پی این آئی) وزیراعظم نے ترقی کی راہ میں حائل رکاوٹیں دور کرنے کے لیے 5 نکاتی ایجنڈے کی تجویز دے دی ، عمران خان کہتے ہیں کہ دنیا کو اس وقت غیر معمولی معاشی بحران کا سامنا ہے۔ تفصیلات کے مطابق اقوام متحدہ کے زیر اہتمام ٹریڈ اینڈ ڈویلپمنٹ کانفرنس سے خطاب کرتے ہوئے انہوں نے کہا کہکورونا وباء کے خاتمےتک غریب ممالک کے قرض مؤخر کیے جائیں ، عالمی سطح پر مالیاتی اداروں کی جانب سے امدادی اقدامات میں اضافہ کیا جائے ، کورونا کے خاتمے تک مقروض ممالک میں قرضوں میں خصوصی رعایت دی جائے ، امیر ممالک غریب ممالک کی لوٹی ہوئی دولت واپس کریں ، کیوں کہ رپورٹس کے مطابق
سالانہ ایک ٹریلین ڈالر غریب سے امیر ممالک کو منتقل کیاجاتا ہے۔ویڈیو لنک کے ذریعے سے خطاب کرتے ہوئے وزیر اعظم نے کہا کہ عالمی وباء کی وجہ سے دنیا کو اس وقت غیر معمولی معاشی بحران کا سامنا ہے ، اس لیے ضروری ہے کہ کورونا وباء کے تدارک کے لیے سہولیات میں اضافہ کیا جائے ، ترقی پذیر ممالک کو بلاتفریق ویکسین کی فراہمی یقینی بنائی جائے ، ترقی یافتہ ممالک ترقی پذیر ممالک کو کورونا سے بچاوَ کی ویکسین فراہم کریں ، 5ارب ڈالر کے امدادی فنڈ کا قیام عمل میں لایا جائے ، عالمی سطح پر کورونا ویکسین کی دستیابی میں وقت درکار ہے ۔عمران خان نے کہا کہ کورونا سے نمٹنے کے لیے ہماری پالیسی دنیا میں سراہی گئی ، کورونا کے باعث ہر شعبہ زندگی متاثر ہوئی ، کورونا کے باعث ہر شعبہ زندگی متاثر ہوا ، کورونا کی وجہ سے لوگ بھوک کا شکار ہوگئے ، دنیا کو اس وقت غیرمعمولی معاشی بحران کا سامنا ہے ، کورونا صورتحال میں کروڑوں لوگ خط غربت سے نیچے زندگی گزارنے پر مجبور ہیں ، کورونا سے بچاوَ کی ہماری حکمت عملی خوش قسمتی سے موثر ثابت ہوئی۔
تازہ ترین خبروں کے لیے پی این آئی کا فیس بک پیج فالو کریں
