الیکشن کمشین کے سامنے پی ڈی ایم کا احتجاج، کتنے لوگ شریک ہوئے؟ حیران کن تفصیلات آگئیں

اسلام آباد (پی این آئی)مشیرپارلیمانی امورڈاکٹر بابر اعوان نے کہا ہے کہ تین ماہ تیاری کے باوجود ریڈ زون میں تین ہزار لوگ آئے،استعفے کی دھمکی دے کر اسمبلی سے تنخواہیں وصول کرنے والے بے نقاب ہوگئے ہیں۔ پاکستان ڈیموکریٹک موومنٹ(پی ڈی ایم) دھرنے پر ردعمل دیتے ہوئے اپنے ٹوئٹ میں پاکستان تحریک

انصاف کے رہنماء اورمشیر پارلیمانی امورڈاکٹربابر اعوان نے کہا کہ تین ماہ تیاری کے باوجود، ریڈ زون میں 3 ہزار لوگ آئے،اسلام آباد نے منی لانڈرنگ موومنٹ مسترد کردی ہے، اسی شہر میں کپتان کی ایک کال پر لاکھوں لوگ نکلتے ہیں۔اُنہوں نے کہا کہ چور اور چوکیدار میں یہی فرق ہے،استعفے کی دھمکی دے کراسمبلی سے تنخواہیں وصول کرنے والے بے نقاب ہوگئے ہیں ۔ ’’پاکستان ڈیمو کریٹ موومنٹ کا الیکشن کمیشن کے سامنے احتجاج ‘‘ وزیراعظم عمران خان نے وفاقی وزیر داخلہ شیخ رشید کو بڑا حکم دیدیا وزیر اعظم عمران خان کی وزیر داخلہ شیخ رشید کو ہدایات جاری کیں ہیں کہ پرامن احتجاج کرنے والوں کو نہ روکا جائے ۔ نجی ٹی کی رپورٹ کے مطابق وزیر اعظم عمران خان سے وزیر داخلہ شیخ رشید کی ملاقات ہوئی ، ملاقات میں پی ڈی ایم کےاحتجاج پر بات چیت کی گئی اور وزیر داخلہ نے وزیر اعظم کوسیکیورٹی سےمتعلق بریفنگ دیتے ہوئے بتایا کہ سیکیورٹی کے تمام انتظامات مکمل ہے۔وزیراعظم نے شیخ رشید کو ہدایت کی کہ پُرامن احتجاج کرنیوالوں کو نہ روکا جائے۔دوسری جانب الیکشن کمیشن کے باہر ہی ڈی ایم کے احتجاج کے پیش نظر حالات کو مانیٹر کرنے کے لیے وزارت داخلہ میں مانیٹرنگ سیل قائم کیا گیا ،وزیر داخلہ اور سیکرٹری داخلہ تمام تر صورت حال کا خود جائزہ لیتے رہے،منگل کو وزیر داخلہ شیخ رشید احمد نے سیکرٹری داخلہ یوسف نسیم کھوکھر کے ہمراہ مانیٹرنگ سیل کا فوری دورہ کیا اور جائزہ لینے کے ساتھ ضروری ہدایات بھی دیں،وزیر داخلہ نے کہا کہ اسلام آباد کے داخلی و خارجی راستوں پر کیمروں کی مدد سے زیرک جائزہ لیا جائے اور شر پسند عناصر پر نظر رکھی جائے،کوئیک ریسپانس فورس کو بھی سٹینڈ بائی کر دیا گیا،نادرا اور آئی ٹی کی ماہر ٹیموں کو بھی وزارت داخلہ بلوا لیا گیا،شیخ رشید احمد نے کہا کہ پہلی بار کسی روک ٹوک کے بغیر

احتجاج کی اجازت دی گئی ہے،امید ہے پی ڈی ایم بھی پر امن احتجاج کرے گی۔دریں اثناوفاقی وزیر اطلاعات و سینیٹر شبلی فراز شبلی فراز نے کہا ہے کہ حکومت نے احتجاج کی راہ میں کوئی رکاوٹ حائل نہیں کی، اسلام آباد کی شاہراہوں پر ٹریفک کی روانی عمران خان کی جمہوریت پسندی کا ثبوت ہے۔ ایک ٹویٹر پیغام میں انہوں نے کہا کہ قوم نہیں بھولی جب (ن) لیگی حکومت نے تحریک انصاف کے کارکنوں کو پر امن احتجاج کرنے پر نشانہ بنایا تھا، قوم سانحہ ماڈل ٹاؤن بھی کبھی بھلا نہیں سکتی۔ علاوہ ازیں وزیر مو اصلات مراد سعید نے کہا ہے کہ قوم آج چور مچائے شور کا عملی مظاہرہ دیکھ رہی ہے، نون لیگ اور پیپلزپارٹی نے فارن فنڈنگ کی رسیدیں نہیں دکھائیں۔ اپنے ایک بیان میں مراد سعید کا کہنا تھا کہ الیکشن کمیشن سے این آر او مانگنے کیلئے ڈرامہ ہو رہا ہے۔ وفاقی وزیر مراد سعید نے پی ڈی ایم کو تنقید کا نشانہ بناتے ہوئے کہا کہ زرداری اور شریف خاندان نے اپنی جماعتوں کو بھی اپنے دھندے کے لئے استعمال کیا، پارٹیز کو فرنٹ کمپنی بنایا جہاں کرپشن کک بیکس کا پیسہ آتا تھا، الیکشن کمیشن نے 6 ہفتے کا وقت دیا لیکن وہ ڈیڈ لائن بھی گزر گئی۔