نواز شریف نے کس بڑے شہر میں پارٹی مقبولیت کم ہونے کا نوٹس لے لیا؟

فیصل آباد (آن لائن ) مسلم لیگ (ن)کے قائد میاں محمد نواز شریف نے فیصل آباد میں پارٹی مقبولیت کم ہونیکا نوٹس لے لیا‘چوہدری شیر علی کو سیاسی میدان میں متحرک کردار ادا کرنیکی ہدایت‘بابائے سیاست اپنے قائد کے حکم پر شدید سردی کو بالائے طاق رکھتے ہوئے عوامی رابطہ مہم میں مصروف ہوگئے‘پنجاب کے

دوسرے بڑے شہر میں مسلم لیگ (ن)کی عوامی مقبولیت کا گراف بلند ہونے لگاآن لائن کے مطابق سابق وزیراعظم میاں محمد نوازشریف کو اطلاعات ملیں کہ فیصل آباد میں مسلم لیگ (ن)کی عوامی مقبولیت میں تیزی سے کمی ہو رہی ہے جس پر انہوں نے بابائے سیاست چوہدری شیر علی سے رابطہ کرکے فیصل آباد میں سیاسی میدان گرمانے کی ہدایت کردی جس پر سابق ممبر قومی اسمبلی ومیئر فیصل آباد چوہدری شیر علی ضیف العمری اور شدید سرد موسم کے باوجود سیاسی میدان میں متحرک ہوگئے بابائے سیاست نے پارٹی کارکنوں سے ملاقاتوں کیساتھ ساتھ عوامی رابطہ مہم بھی شروع کر رکھی ہے موصوف پارٹی کارکنوں کی غمی‘خوشی میں بھی شریک نظر آتے ہیں اور ان کی سیاسی بصیرت کو ہر خاص وعام کا سراہنا اس بات کا ثبوت ہے کہ سیاسی میدان میں انکا متحرک کردار مسلم لیگ (ن) کے لئے بے حد مفید ثابت ہوگا اور فیصل آباد ایک بار پھر میاں محمد نوازشریف کے متوالوں کا شہر نظر آئے گا۔۔۔۔۔حکومت براڈ شیٹ سے متعلق معاہدے سامنے لے آئی، نواز شریف کی کونسی جائیداد کی مد میں براڈ شیٹ کو حصہ دیا گیا ، حیران کن انکشافاسلام آباد (این این آئی)وزیراعظم کے مشیر داخلہ و احتساب شہزاد اکبر نے کہا ہے کہ براڈ شیٹ معاملے میں جو ادائیگی کی گئی وہ ماضی میں کی گئیں ڈیلز اور دئیے گئے این آر اوز کی قیمت ہے،دستاویز پبلک کئے بغیر

شفافیت نہیں آسکتی،نواز شریف کی ایون فیلڈ پراپرٹی کی مد میں براڈشیٹ کوحصہ دیا گیا، 21.5میں سے 20.5ملین شریف خاندان کی مد میں ادا کرناپڑے جبکہ شون گروپ،شیر پا ودیگر کی مد میں صرف 1.08 ملین ڈالر ادا کئے۔پیر کو پریس کانفرنس سے خطاب کرتے ہوئے مشیر داخلہ و احتساب شہزاد اکبر نے کہا کہ ہمارے وکلا نے براڈ شیٹ سے متعلق فیصلے منظر عام پر لانے کے لیے رابطہ کیا تھا جس کے جواب میں انہوں نے اس پر آمادگی کا اظہار کیا ہے۔شہزاد اکبر نے کہا کہ براڈ شیٹ کے معاملے میں کوانٹم اور ہائی کورٹ کے احکامات تھے، عدالت کا فیصلہ اپیل پر ہونے کی وجہ سے عوام کے لیے قابل رسائی تھا البتہ واجب ادا کی رقم کے تعین کے حوالے سے کوانٹم کا حکم پرائیویٹ تھا۔انہوں نے کہا کہ وزیراعظم کے حکم پر ہم نے اپنے وکلا کے ذریعے براڈ شیٹ کے وکلا سے رابطہ کیا گیا اور ان سے تحریری طور پر ان سے رضامندی حاصل کی گئی کہ حکومت پاکستان تمام فیصلوں کو منظرِ عام پر لانا چاہتی ہے جس پر ان کی جانب سے بتایا گیا کہ ان کے موکل کو یہ فیصلے منظر عام پر لانے پر کوئی اعتراض نہیں ہے۔براڈ شیٹ کمپنی کے ساتھ معاملات کے آغاز سے تفصیلات بتاتے ہوئے شہزاد اکبر نے کہا کہ سال 2000میں جون کے مہینے میں قومی احتساب بیورو (نیب)اور براڈ شیٹ کے مابین اثاثہ برآمدگی کا پہلا معاہدہ ہوا جس کے بعد جولائی

2000میں ایک اور ادارے انٹرنیشنل ایسٹ ریکوی کے ساتھ ایک اور معاہدہ ہوا۔انہوں نے کہا کہ دسمبر 2000میں جب نواز شریف اس وقت کی حکومت سے ڈیل کر کے سعودی عرب چلے گئے تو ایک اور معاہدہ ہوا جو چلتا رہا اور اس میں اس کمپنی کو مختلف اہداف دیے گئے تھے۔انہوں نے کہا کہ 28اکتوبر 2003میں حکومت پاکستان یعنی نیب نے براڈ شیٹ کے ساتھ یہ معاہدہ منسوخ کردیا جس کے بعد دونوں اداروں نے 2007میں حکومت پاکستان کو نوٹس دے دیا تھا کہ ہماری رقم واجب الادا ہیں۔مشیر داخلہ نے کہا کہ ان نوٹسز کے تناظر میں آئی اے آر کے ساتھ جنوری 2008میں تصفیہ کیا گیا اور انہیں 22لاکھ 50ہزار ڈالر ادا کیے جانے تھےجو اب بھی نافذ عمل ہے۔انہوں نے بتایا کہ 20مئی 2008کو براڈ شیٹ کے ساتھ بھی تصفیے کے معاہدے پردستخط ہوئے جس کے تحت انہیں 15 لاکھ ڈالر کی ادائیگی کی جاتی ہے۔انہوں نے کہا کہ اکتوبر 2009کو براڈ شیٹ نے واجب الادا رقم کی ادائیگی کے لیے ایک مرتبہ پھر حکومت پاکستان کو نوٹس بھیجا، چنانچہ اس دور میں دوبارہ ثالثی کی کوششوں کا آغاز ہوا جبکہ پیپلز پارٹی کی حکومت تھی۔انہوں نے کہا کہ ثالثی میں معاملہ چلتا رہا اور 2016میں اپنے اختتام پر پہنچا جس کے تحت اگست 2016میںپاکستان کے خلاف واجب الادا رقم کا دعوی منطور ہوگیا جس کے بعد 2 سال تک رقم کے تعین کا سلسلہ چلا اور اس کا فیصلہ

جولائی 2018میں ہوا۔شہزاد اکبر نے بتایا کہ اگست 2018میں ہماری حکومت آئی اور جولائی 2019میں اس فیصلے کے خلاف ہائی کورٹ اپیل کی گئی جس کا فیصلہ ہمارے خلاف آیا، جون 2020 میں براڈ شیٹ نے ثالثی کا عبوری حکم حاصل کیا کہ پاکستان کو رقم کی ادائیگی کرنی ہے لہذا اس کے جہاں بھی اثاثے ہوں ان پر ایک ضمنی حکم جاری کیا جائے،یہ حکم ایون فیلڈ اپارٹمنٹس اور بینک اکانٹس پر لیا گیا۔انہوں نے کہا کہ 31دسمبر 2020کو براڈ شیٹ کو واجب الادا رقم کی ادائیگی کی گئی جس کے بعد اس نے عبوری حکم واپس لے لیا۔انہوں نے کہا کہ وزیراعظم کے حکم کے مطابق فیصلے کوپبلک کردیاہے، ہم سب کادل دکھتاہے کہ احتساب ہوتانظرنہیں آرہا۔انہوں نے کہا کہ براڈ شیٹ کا معاملہ سامنے رکھنے سے ایک چیز واضح ہوتی ہے کہ یہ معاملہ ماضی کی ڈیلز اور این آر اوز کی قیمت ہے۔انہوں نے کہا کہ ماضی میں جو این آر او اور تصیفے ہوئے اس کا خمیازہ عوام کو بھگتنا پڑ رہا ہے کیوں کہ اس کی ادائیگی حکومت پاکستان کو آپ کے ہی ٹیکس کے پیسوں سے کرنی پڑی ہے۔انہوں نے کہا کہ ہمیں 2007کے این آراو کی قیمت بھی ادا کرنا پڑی رہی ہے، نوازشریف کی ایون فیلڈ پراپرٹی کی تحقیق کا حصہ بھی براڈ شیٹ کو دینا پڑا۔