اسلام آباد (این این آئی)وزیراعظم عمران خان نے کہا ہے کہ کووڈ 19 کی وبا کے باوجود معیشت کمال انداز میں پلٹ رہی ہے، گزشتہ مالہ سال کے ایک ارب 70 کروڑ ڈالر کے خسارے کے بجائے اس سال کرنٹ اکائونٹ اب تک ایک ارب 60 کروڑ ڈالر سرپلس ہوچکا ہے۔اپنے ایک ٹوئٹ میں وزیراعظم عمران خان نے کہا
کہ وبا کے باوجود معیشت کے بارے میں اچھی خبر ہے کہ یہ کمال انداز میں پلٹ رہی ہے۔انہوں نے کہا کہ ماہ نومبر میں کرنٹ اکانٹ 447 ملین( 44 کروڑ 70 لاکھ)ڈالر سرپلس رہا۔انہوں نے کہا کہ گزشتہ مالہ سال کے ایک ارب 70 کروڑ ڈالر کے خسارے کے بجائے اس سال کرنٹ اکائونٹ اب تک ایک ارب 60کروڑ ڈالر سرپلس ہوچکا ہے۔وزیراعظم نے کہا کہ مرکزی بینک کے ذخائر بھی 13 ارب ڈالر تک بڑھ چکے ہیں جو 3 برس میں سب سے زیادہ ہیں۔واضح رہے کہ اس سے قبل گزشتہ ماہ یہ بتایا گیا تھا کہ اکتوبر میں مسلسل چوتھے ماہ کرنٹ اکانٹ سرپلس رہا تھا۔گزشتہ ماہ سامنے آنے والے اسٹیٹ بینک کے اعداد و شمار میں بتایا گیا تھا کہ اکتوبر میں کرنٹ اکانٹ ماہانہ بنیاد پر ستمبر کے 5 کروڑ 90 لاکھ ڈالر کے مقابلے 547 فیصد بڑھا۔مرکزی بینک نے کہا تھا کہ اس سرپلس کی وجہ ترسیلات زر میں مستقل اضافہ اور تجارتی خسارے میں کمی ہونا ہے۔۔۔۔۔
بڑا انتخابی معرکہ، ن لیگ اور تحریک انصاف آمنے سامنے آگئیں
اسلام آباد (پی این آئی) پاکستان تحریک انصاف اور پاکستان مسلم لیگ ن نے میئر اسلام آباد کی خالی نشست کیلئے امیدواروں کا اعلان کردیا ہے،پی ٹی آئی کی جانب سے ملک ساجد محمود جبکہ پاکستان مسلم لیگ ن کی جانب سے پیر عادل گیلانی کو نامزد کیا گیا ہے،میئر کی نشست پر ضمنی انتخاب28دسمبر کو ہوگاجبکہ آج امیدواروں کو انتخابی نشانات آلاٹ ہونگے۔وفاقی دارلحکومت میںمیئر اسلام آباد کی خالی نشست پر پاکستان تحڑیک انصاف اور پاکستان مسلم لیگ ن کی جانب سے امیدواروں کے ناموں کا اعلان کردیا گیا ہے میئر اسلام آباد کی نشست کیلئے اس وقت12امیدوار میدان میں موجود ہیں تحریک انصاف کی جانب سے ملک ساجد محمود جبکہ مسلم لیگ ن کی جانب سے پیر عادل گیلانی کو امیدوار نامزد کیا گیا ہے اس سلسلے میں الیکشن کمیشن کی جانب سے جاری نوٹیفکیشن کے مطابق میئر اسلام آباد کے ضمنی انتخاب کے لیے ڈسٹرکٹ الیکشن کمشنر اسلام آباد کو ریٹرننگ افسر تعینات کیا گیا تھا اور امیدواروں کو آج 22 دسمبر کو انتخابی نشانات الاٹ کیے جائیں گے واضح رہے کہ پاکستان مسلم لیگ نواز سے تعلق رکھنے والے اسلام آباد کے میئر شیخ انصر عزیز نے 6 اکتوبر کو اپنے عہدے سے استعفیٰ دیتے ہوئے موقف اختیار کیا تھا کہ وفاقی حکومت کی جانب سے ان کے اختیارات میں مداخلت کی جارہی ہے اور انہیں کام کرنے نہیں دیا جارہا ہے جس کے بعد الیکشن
کمیشن نے وزارت قانون کے ساتھ معاملے پر مشاورت کے بعدشیخ انصر عزیز کا استعفیٰ منظور کرتے ہوئے عہدے پرانتخابات کی تاریخ مقرر کردی تھی۔دوسری جانب اسلام آبادہائیکورٹ نے میئر اسلام آباد کا الیکشن روکنے کی استدعا مسترد کردی۔ اسلام آباد ہائی کورٹ نے میئر اسلام آباد کا الیکشن روکنے کی درخواست پر فیصلہ سنادیا۔فیصلے میں درخواست مسترد کرتے ہوئے کہا گیا ہے کہ ڈپٹی میئرز، میئر کا الیکشن نہیں لڑسکتے، ووٹ ڈال سکتے ہیں۔
تازہ ترین خبروں کے لیے پی این آئی کا فیس بک پیج فالو کریں
