جب تک وزیر ہوں کسی کنٹریکٹ ملازم کو نہیں نکالوں گا، ہمیں تنخواہوں سے نہیں کام سے غرض ہے، شیخ رشید کا دبنگ اعلان

اسلام آباد (پی این آئی) جب تک وزیر ہوں کسی کنٹریکٹ ملازم کو نہیں نکالوں گا،ہمیں تنخواہوں سے نہیں کام سے غرض ہے، شیخ رشید کا دبنگ اعلان ۔۔۔۔وفاقی وزیر داخلہ شیخ رشید احمد نے کہا ہے کہ عمران خان بدعنوان اور منی لانڈرنگ کرنیوالے عناصر کیخلاف ایسا قانون لائیں گے کہ ان کی چیخیں نکل جائیں گے،

میڈیا سے گفتگو کرتے ہوئےشیخ رشید نے کہاکہ جب تک وزیر ہوں کسی کنٹریکٹ ملازم کو نہیں نکالوں گا، ہمیں تنخواہوں سے نہیں، کام سے غرض ہے، 16 ہزار میں سے 3 ہزار افراد کنٹریکٹ پر بھرتی ہیں، نادرا لوگوں کے مسائل کے حل پر توجہ دے، نادرا کا ترجمان ذرا ڈھیلا ہے، اسے تیز کروں گا، 7 لاکھ سے زائد افغانی رجسٹرڈ ہیں۔۔۔۔

اسلام آباد مارچ روکنے کیلئے شیخ رشید ہی کافی ہیں

اسلام آباد (پی این آئی )علامہ طاہر اشرفی نے کہا ہے کہ اپوزیشن کے اسلام آباد مارچ کو روکنےکیلئے وفاقی وزیر داخلہ شیخ رشید ہی کافی ہیں۔نجی ٹی وی کے مطابق وزیراعظم عمران خان کے معاون خصوصی علامہ طاہر اشرفی نےکہا ہے کہ اپوزیشن میں ابھی تک اسبات کا اتفاق نہیں ہو سکا ہے کہ کس نے استعفے دینے ہیں تاہم سینٹ الیکشن اپنے وقت پر ہی ہونگے ۔ ان کا کہنا تھاکہ اسلام آباد مارچ روکنے کے لیے ایک شیخ رشید ہی کافی ہیں جنوری میں مہنگائی مزید کم ہو گی۔ اپوزیشن کی طرف سے استعفے آئے تو دیکھا جائے گا۔قبل ازیں وزیر اعظم عمران خان کے نمائندہ خصوصی برائے مذہبی ہم آہنگی و مشرقِ وسطیٰ حافظ محمد طاہر محمود اشرفی نے کہا ہے کہ سعودی عرب کی سر زمین پر مسلسل حملے قابلِ مذمت اور قابلِ افسوس ہیں۔وزیرِ اعظم

عمران خان کے نمائندہ خصوصی برائے مذہبی ہم آہنگی و مشرقِ وسطیٰ حافظ محمد طاہر محموداشرفی نے اپنے بیان میں کہاکہ سعود عرب، کی سلامتی اور استحکام ہر مسلمان کو عزیز ہے، ارضِ حرمینِ شریفین مسلمانون کی وحدت اور عقیدت کا مرکز ہے۔حافظ طاہر اشرفی نے کہاکہ سعودی عرب کی سلامتی اور استحکا م کے لیے ہم سعودی قیادت اور عوام کو ہر ممکن تعاون کا یقین دلاتے ہیں۔‎