لاہور (پی این آئی) پنجاب حکومت نے مسیحی ملازمین کو ایڈوانس تنخواہیں اور پنشن دینے کا اعلان کردیا ۔ محکمہ خزانہ کی جانب سے سرکاری مسیحی ملازمین کو کرسمس سے قبل تنخواہیں اور الاؤنس دینے کا نوٹیفیکیشن جاری کردیا گیا ہے۔ تفصیلات کے مطابق سرکاری مسیحی ملازمین کو دسمبر کی تنخواہ اور
الاؤنسز ایڈوانس دیے جانے کا اعلان کیا گیا ہے۔دسمبر کی تنخواہیں، پنشن اور الاؤنسز مسیحی سرکاری ملازمین کو دینے کے حوالے سے محکمہ خزانہ نے مراسلہ اے جی آفس سمیت تمام ڈسٹرکٹ اکاؤنٹ آفیسرز کے نام بھجوایا گیا ہے۔ تمام افسران کو سختی سے تاکید کی گئی ہے کہ مسیحی ملازمین کو دسمبر کی تنخواہیں 20 دسمبر تک دے دی جائیں ۔ کرسمس سے قبل مسیحی برادری کے لیے حکومت پنجاب کی جانب سے خصوصی طور پر یہ فیصلہ کیا گیا ہے ۔
سرکاری ملازمین کیلئے پنشن کی جگہ نئی کنٹریبیوٹری فنڈ اسکیم لانیکا فیصلہ
وفاقی حکومت نےاصولی فیصلہ کیا ہے کہ آئندہ برس سے سرکاری ملازمین کیلئے پنشن کے موجودہ نظام کی جگہ نیا نظام متعارف کرایا جائے گا اور پنشن کی نئی کنٹربیوٹری فنڈ سکیم کا اطلاق نئے بھرتی ہونیوالے سرکاری ملازمین پر ہوگا اس سے موجودہ سرکاری ملازمین متاثر نہیں ہونگے ، نئے نظام پر پے اینڈ پنشن کمیشن کام کررہا ہے، کمیشن کی نئی سربراہ سابق وفاقی سیکریٹری نرگس سیٹھی کو تعینات کیا گیا ہے ، وزارت خزانہ کے معتبر ذرائع کے مطابق موجودہ سرکاری ملازمین کیلئے پے اینڈ پنشن کا موجودہ نظام جاری رہے گا اور موجودہ سرکاری ملازمین متاثر نہیں ہونگے تاہم نئے بھرتی ہونیوالے سرکاری ملازمین کیلئے پنشن فنڈز تشکیل دیا جائے گا یہ فنڈ کنٹری بیوٹری پنشن فنڈ کہلائے گا، اس فنڈ میں سرکاری ملازمین کی تنخواہ سے بھی رقم شامل کی جائے گی، کنٹریبویٹری پنشن فنڈ میں حکومت کی جانب سے بھی سیڈ منی رکھی جائے گی جبکہ سرکاری ملازمین کی جانب سے دو طرح کی پنشن کیلئےکنٹربیوشن میکنزم ہونگے ، ایک کنٹربیوشن براہ راست پنشن فنڈ میں جائے گی جبکہ دوسری کنٹری بیوشن سرکاری ملازمین کے اپنے اکائونٹ میں جمع ہوگی جو ریٹائرمنٹ کے وقت اس کو پنشن کی مد میں جاری کر دی جائیگی ، ذرائع کے مطابق پنشن فنڈ کی رقم سے سرمایہ کاری بھی کی جائے گی تاکہ اس میں اضافہ ہو اور پنشن کا براہ راست بوجھ قومی خزانے پر ختم کیا جائے، ذرائع کے مطابق وفاقی سرکاری ملازمین کی پنشن کا بل 470ارب روپے ہے اور تنخواہوں سمیت 1100ارب روپے کا قومی خزانے پر بوجھ ہے۔
