پاکستان میں کورونا ویکسین کب دستیاب ہو گی؟ وزارت صحت نے تیاریاں شروع کر دیں، ویکسین پہلے کس کو ملے گی؟

اسلام آباد (این این آئی)وزارت صحت کورونا ویکسین جلد ملک میں لانے کیلئے متحرک ہوگئی ،پاکستان میں متوقع کورونا ویکسین پہلی سہ ماہی میں دستیاب ہو گی۔ وزارت صحت کے مطابق متوقع کورونا ویکسین بنانے والے ممالک سے مسلسل رابطے میں ہیں۔ وزارت صحت کے مطابق گاوی دی ویکسین الائنس ممالک تک

متوقع کورونا ویکسین تک رسائی میں مدد دے گا۔ وزارت صحت کے مطابق پہلے مرحلے میں ہیلتھ ورکرز اور بوڑھے شہریوں کو ویکسین لگائی جائے گی۔ پاکستان نے ویکسین کی مفت اور رعایتی خریداری کے لیے بھی گاوی سے رابطے کئے۔۔۔۔

چین اور روس سے کورونا ویکسین کب تک پاکستان پہنچ جائے گی؟ ٹائم لائن کا اعلان کر دیا گیا

ا سلام آباد (این این آئی)وزیر اعظم کے معاون خصوصی برائے صحت ڈاکٹر فیصل سلطان نے کہا ہے کہ صحت حکام کورونا وائرس ویکسین کے حصول کیلئے چین، روس سمیت دیگر ممالک سے بات چیت کر رہے ہیں۔ ترک میڈیا سے گفتگو کرتے ہوئے ڈاکٹر فیصل سلطان نے بتایا کہ ہم اپنی ترجیحی فہرست کو محدودکرنے کے بعد کورونا وائرس کی ویکسین کے حصول کے لیے چین، روس اور دیگر چند ممالک سے بات کر رہے ہیں۔انہوں نے کہا کہ ویکسین، پاکستان میں آئندہ سال جنوری سے مارچ کے درمیان میں دستیاب ہوجائے گی اور پہلے مرحلے میں طبی عملے اور زیادہ عمر کے افراد کو دی جائے گی۔انہوںنے کہاکہ ابھی کچھ حتمی نہیں ہے تاہم میں آپ کو یہ بتا سکتا ہوں کہ ہمیں ایک ذریعے سے زیادہ پر انحصار کرنا ہوگا، جبکہ ہم کوئی بھی ویکسین اس کی افادیت اور محفوظ ثابت ہونے کے بعد حاصل کریں گے۔ایک طرف جہاں روس نے ملکی سطح پر اپنی اسپوتنک فائیو ویکسین کی فراہمی کا آغاز کردیا ہے، وہیں چین کئی ممالک میں اپنی ویکسینز کی ٹیسٹنگ کر رہا ہے اور سپلائی کے معاہدوں پر دستخط ہوچکے ہیں۔دیگر ویکسینز، جن کے استمال کے لیے ہنگامی طور پر اجازت مانگی گئی ہے، وہ پی فائزر۔ بایو این ٹیک، موڈرنا اور آکسفورڈ۔ آسٹرازینیکا نے تیار کی ہیں۔انہوںنے کہاکہ ویکسین کی استعمال کی اولین ترجیح کووڈ 19 کے علاج میں مصروف صف اول کے طبی عملہ ہوگا، اس کے بعد عمر کی وجہ سے جن کو زیادہ خطرات ہیں، پھر دیگر طبی عملہ اور بعد میں عوام کا نمبر ہوگا۔۔۔۔