اسلام آ باد (آئی این پی ) اسلام آباد کچہری میں جعلی عدالتی حکم نامے تحریر کرنے کے انکشاف پر قائم مقام ڈسٹرکٹ اینڈ سیشن جج ایسٹ نے جعلی عدالتی احکامات تیار کرنے پر انکوائری کا حکم دیتے ہوئے سینئر سول جج محمد شبیر کے اسٹینو گرافر کو معطل کردیا۔ اسلام آباد کی عدالت میں زیر سماعت فیملی کیس میں سینئر
سول جج محمد شبیر کی عدالت کے دو جعلی حکم نامے تیار کیے گئے۔ 20فروری 2020 کی آرڈر شیٹ میں رد و بدل کیا گیا جبکہ 21مارچ 2020 کو کورونا لاک ڈان کے باعث کوئی عدالتی کارروائی نہیں ہوئی اور اس کا بھی جعلی آرڈر تیار کیا گیا۔ اسٹینوگرافر واقف خان کو معطل کرکے چارج شیٹ جاری کر دی گئی ہے جس کے مطابق اس نے بطور ریڈر ایک جعلی حکم نامہ تیار کیا اور ایک عدالتی آرڈر شیٹ میں ٹیمپرنگ کی جس کے نتیجے میں وہ مس کنڈکٹ ا مرتکب ہوا۔ ملزم نے عادل بنام کرن فیملی کیس میں بچے کی ملاقات کرانے کا جعلی حکمنامہ تیار کیا۔ اسٹینو گرافر واقف خان نے شوکاز نوٹس کے جواب میں کہا ہے کہ جعلی آرڈر شیٹ تیار کرنے سے میرا کوئی تعلق نہیں، مجھے الزام سے بری کیا جائے۔۔۔۔
تازہ ترین خبروں کے لیے پی این آئی کا فیس بک پیج فالو کریں
