برطانوی سائنسدانوں کو کورونا ویکسین کی آزمائش میں کامیابی مل گئی، ویکسین کتنے فیصد تک مؤثر ہے؟ جانیئے

لندن (پی این آئی)برطانوی سائنسدانوں کو کورونا ویکسین کی آزمائش میں کامیابی مل گئی، ویکسین کتنے فیصد تک مؤثر ہے؟ جانیئے، برطانوی سائنسدانوں کی جانب سے آکسفورڈ ویکسین کے آزمائشی مرحلے میں آکسفورڈ ویکسین کو کورونا علامات کو روکنے میں 70فیصد کامیابی ملنے کا دعویٰ کیا گیا ہے۔برطانیہ میں

تیار کی گئی کورونا وائرس ویکسین 70.4 فیصد افراد کو کووڈ-19 ہونے سے بچا سکتی ہے اور ڈیٹا میں دیکھا گیا ہے کہ اس کی کم خوراک کے استعمال سے 90 فیصد افراد کو محفوظ رکھا جاسکتا ہے۔اس حوالے سے آکسفورڈ یونیورسٹی اور دوا ساز کمپنی ایسٹرا زینیکا کی جانب سے ویکسین کے آزمائشی مرحلے کے ان نتائج کو بڑی کامیابی کہا جارہا ہے۔آکسفورڈ یونیورسٹی اور دوا ساز کمپنی ایسٹرا زینیکا نے اعلان کیا ہے کہ ان کی مشترکہ ویکسین بہت سے لوگوں کو بیمار پڑنے سے بچا سکتی ہے۔آکسفورڈ یونیورسٹی کے مطابق مذکورہ ویکسین دنیا بھر میں سستی اور باآسانی مہیا ہوگی، ریگولیٹر اتھارٹی سے منظوری کے بعد ویکسین کا کورونا وباء سے نمٹنے میں اہم کردار ہوگا۔ویکسین کے مکمل کورس سے90 فیصد نتائج حاصل ہو سکیں گے، واضح رہے کہ برطانوی حکومت پہلے ہی سو ملین ویکسین خوراک کا آرڈر دے چکی ہے یہ ویکسین خوراک 50ملین برطانوی عوام کے لیے کافی ہوگی۔اس سسلے میں برطانوی وزیراعظم بورس جانسن نے کہا ہے کہ آکسفورڈ کورونا ویکسین کے کامیاب نتائج کی خبرحیرت انگیز ہے۔ یہ ویکسین دس ماہ کی ریکارڈ مدت میں تیار ہوئی ہے۔آکسفورڈ یونیورسٹی میں ویکسینالوجی کی پروفیسر سارا گلبرٹ کا کہنا ہے کہ اس اعلان نے ہمیں اس وقت کے ایک اور قدم قریب کردیا ہے جب ہم ویکسین کو (کووڈ-19) کی تباہیاں ختم کرنے کے لیے استعمال کرسکیں گے۔ان کا مزید کہنا تھا ہم متعلقہ حکام کو تفصیلی معلومات فراہم کرنے پر کام کرتے رہیں گے۔ اس کثیر قومی کوشش کا حصہ بننا اعزاز کی بات ہے، جس کے فوائد پوری دنیا کو ہوں گے۔آکسفورڈ یونیورسٹی کا کہنا ہے کہ ویکسین کے تجربے کے تیسرے مرحلے کے ابتدائی جائزے میں دیکھا گیا کہ ویکسین 70 فیصد تک مؤثر ہے۔۔۔۔۔۔۔۔۔۔۔۔۔