اسلام آباد میں متعین برطانوی سفیر بھی پاکستانیوں کے ساتھ کھڑے ہوگئے، جس میں رحم دلی نہیں اس میں ایمان نہیں ہے، عید میلاد پر خصوصی پیغام جاری کر دیا

اسلام آباد(پی این آئی)اسلام آباد میں متعین برطانوی سفیر بھی پاکستانیوں کے ساتھ کھڑے ہوگئے، جس میں رحم دلی نہیں اس میں ایمان نہیں ہے، عید میلاد پر خصوصی پیغام جاری کر دیا،اکستان میں تعینات برطانوی ہائی کمشنر کرسچن ٹرنر نے مسلمانوں کو عید میلاد النبی ﷺ پر مبارکباد پیش کی اور نیک تمناؤں کا اظہار کیا۔

تفصیلات کے مطابق برطانوی ہائی کمشنر کا کہنا تھا کہ پاکستان اور دنیا بھر میں مسلمانوں کو عیدمیلاد النبی ﷺ پر مبارک باد دیتا ہوں، حضرت محمدﷺنے فرمایا رحم دلی ایمان کی علامت ہے۔برطانوی ہائی کمشنر نے کہا حضرت محمد ﷺ کے فرمان کے مطابق جس میں رحم دلی نہیں اس میں ایمان نہیں ہے۔کرسچن ٹرنر نے دنیا بھر کے مسلمانوں کو مبارک دن کے موقع پر مبارک باد پیش کی۔خیال رہے کہ جشن عید میلادالنبی ﷺ دنیا بھر کی طرح آج پاکستان میں بھی مذہبی جوش و جذبے سے منا یا جارہا ہے، ملک کی فضا آج ختم النبیین ﷺ کے نام اور درود و سلام سے گونجے گی۔سرور کائنات ختم النبیین حضرت محمد مصطفیٰ ﷺ کی آمد آمد ہے جبکہ ملک کے مختلف شہروں میں عاشقانِ رسول نے گھروں اور گلیوں کو برقی قمقموں سے سجا دیا گیا ہے جبکہ ہر طرف توصیف رسول ﷺ کو اشعار کی صورت میں بیان کرنے کا سلسلہ بھی جاری ہے۔۔۔۔۔۔۔۔۔۔۔۔۔۔۔