کراچی(پی این آئی) وزیراعلی سندھ نے ورلڈ بینک سے کراچی کی اربن پراپرٹی سروے کرنے کی درخواست کردی ، جس پر ورلڈ بینک کنٹری ڈائریکٹر نے سندھ حکومت کو ہر طرح کے تعاون کی یقین دہانی کردی۔تفصیلات کے مطابق وزیراعلی سندھ مراد علی شاہ کی ورلڈ بینک کے نئے کنٹری ڈائریکٹر سے ویڈیو لنک
پرملاقات ہوئی ، جس میں وزیراعلی سندھ نے کہا ورلڈ بینک کے ساتھ آبپاشی کیپراجیکٹس کیے ، کراچی ٹرانسفارمیشن اسٹریٹجی پراجیکٹس شروع ہوگیا۔مراد علی شاہ نے کہا کہ کراچی میں اگست کی بارشوں نے سابقہ ریکارڈ توڑ دیئے ، شدید بارشوں نیانفرااسٹرکچر کو بے حد نقصان پہنچایا، میرپورخاص ، بدین ، سانگھڑ ،عمر کوٹ میں بھی بارشوں نے تباہی مچاہی، سندھ میں شدید بارشوں سے زراعت تباہ ہوگئی ہے۔انھوں نے کہا ورلڈ بینک سندھ حکومت کیساتھ انفرااسٹرکچر میں تعاون کرے، دیہی علاقوں میں بھی انفرااسٹرکچر کی بہتری کے لیے مدد کرے۔وزیراعلی سندھ نے ورلڈ بینک کو کراچی کی اربن پراپرٹی سروے کرنے کی درخواست کی ، جس پر ورلڈ بینک کنٹری ڈائریکٹر نے سندھ حکومت کو ہر طرح کے تعاون کی یقین دہانی کراتے ہوئے کہا ہم سندھ کے ساتھ پارٹنر شپ کو اہمیت دیتے ہیں۔
