اسلام آبا(آئی این پی ) پاکستان مسلم لیگ (ن)کے رہنما احسن اقبال نے کہا کہ شراب کا پرمٹ دینا ٹھیک اور کھیلوں کی سہولت بنانا کرپشن ہے، ہم عمران خان کو ہٹلر نہیں بننے دیں گے،عمران خان کی نفرت قومی اداروں کی طرف بھی جا رہی ہے،ایک سال ہو گیا نیب ریفرنس میرے خلاف دائر نہیں کر سکا، وزیر
مواصلات بتائے کہ ڈیڑھ سال قبل بنائی گئی جے آئی ٹی کہاں گئی ؟ ، اپوزیشن عمران خان سے کوئی این آر او نہیں مانگ رہی ، پاک فوج کسی ایک جماعت کی نہیں پورے پاکستان کی پراپرٹی ہے، فوج اور عسکری اداروں کا حکومت کی انتقامی کارروائیوں سے کوئی تعلق نہیں۔ بدھ کو احتساب عدالت کے باہر میڈیا سے گفتگو کرتے ہوئے احسن اقبال نے کہا کہ مسلم لیگ (ن)کو پاکستان بنانے کی سزا مل رہی ہے ، ہمارے خلاف ملکی ترقی کرنے کے خلاف ریفرنس بنانے گئے، ایک سال ہو گیا لیکن نیب ریفرنس میرے خلاف دائر نہیں کر سکا ،حیلے بہانے کر کے نیب ہر بار نئی تاریخ لے لیتا ہے۔احسن اقبال نے کہا کہ شراب کا پرمٹ دینا ٹھیک اور کھیلوں کی سہولت بنانا کرپشن ہے، جو وزیراعظم خود کو ورلڈ کپ جیتنے والا کپتان کہتا ہے اس نے کھیلوں کا انفراسٹرکچر بنانے کو کرپشن قرار دیا ،اگر یہ جرم ہے تو میں یہ جرم بار بار کروں گا۔ عمران نیازی کی حکومت کرپشن کا تحفظ کررہی ہے، حکومتی وزیر بڑے بڑے ٹھیکے لے رہے ہیں، وزیر مواصلات بتائے کہ ڈیڑھ سال قبل بنائی گئی جے آئی ٹی کہاں گئی ؟۔ جس طرح کنونشن لیگ اور ق لیگ کا تجربہ ناکام ہوا پی ٹی آئی کا تجربہ بھی ناکام ہوگا۔ رہنما ( (ن)لیگ کا کہنا تھا کہ اپوزیشن عمران خان سے کوئی این آر او نہیں مانگ رہی ، پاک فوج کسی ایک جماعت کی نہیں پورے پاکستان کی پراپرٹی ہے ، حکومت بار بار بیانات دیتی ہے کہ حکومت اور فوج ایک پیج پر ہیں ، عمران خان کی نفرت قومی اداروں کی طرف بھی جا رہی ہے، عسکری قیادت کو ان معاملات کا نوٹس لینا چاہیے، ہمیں یقین ہے فوج اور عسکری اداروں کا حکومت کی انتقامی کارروائیوں سے کوئی تعلق نہیں۔ سینیٹ اجلاس میں اپوزیشن نے ایف اے ٹی ایف کو شکست نہیں دی، اپوزیشن نے حکومت کی اس کوشش کو شکست دی جو نظام بلڈوز کر کے مرضی کے قوانین نافذ کرنا چاہتی تھی، حکومت چاہتی تھی کہ ان قوانین کے ذریعے نیب کا پردادا ان کے ہاتھ آجائے، ہم ایف اے ٹی ایف کے نام پر ایک فاشسٹ ریاست نہیں بننے دیں گے، ہم عمران خان کو ہٹلر نہیں بننے دیں گے۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
