مومن کبھی ایک سوراخ سے دو بار نہیں ڈسا جاتاشہباز،فضل الرحمن ملاقات پ، فیاض الحسن چوہان کا جوابی وار توجہ کا مرکز بن گیا

اسلام آباد ( پی این آئی )صوبائی وزیر اطلاعات فیاض الحسن چوہان نے کہا ہے کہ بچپن سے سنا تھا کہ مومن کبھی ایک سوراخ سے دو بار نہیں ڈسا جاتا،پتہ نہیں مولانا فضل الرحمان آلِ شریف اور آلِ زرداری کے ہاتھوں کب تک استعمال ہوتے رہیں گے،بارہا کہہ چکا ہوں کہ مولانا اگلے تین سال اپنے سیاسی، معاشی اور انتظامی گناہوں پر توبہ کریں۔ جھوٹوں کے

آئی جی شہباز شریف نے کل قوم کے سامنے دو بہت بڑے جھوٹ بولے،پہلا جھوٹ یہ کہ انہوں نے نواز شریف کی آٹھ ہفتوں بعد واپسی کی کوئی ضمانت نہیں دی،دوسرا جھوٹ “ن لیگ نے ایک دھیلے کی کرپشن نہیں کی” کا مضحکہ خیز پہاڑا تھا۔ شہبازشریف اور مولانا فضل الرحمن کی ملاقات کے حوالے سے اپنے ردعمل میں فیاض الحسن چوہان نے کہا کہ 2023 میں بھی کے پی کے کی طرف سے مولانا کو مینڈیٹ دیئے جانے کی کوئی امید نظر نہیں آ رہی اور وہ اگلے انتخابات میں بھی اسی طرح بے روزگار ہی رہیں گے اور بے مقصد ملاقاتوں کا سلسلہ جاری رکھیں گے ۔ انہوں نے کہا کہ دو دونی بتیس اور چار دونی چھتیس کے پہاڑے کی طرح یہ پہاڑا بھی عوام کے سر کے اوپر سے گزر گیا عوام اب کسی کے بہکاوے میں آنے والے نہیں ہیں وہ آئندہ انتخابات میں بھی تحریک انصاف کو ہی ووٹ دینگے اور اگلی بار پھر وزیراعظم عمران خان ہی ہونگے ۔ صوبائی وزیر اطلاعات نے کہا کہ ساری دنیا جانتی ہے کہ ہائیکورٹ سے نواز شریف کو باہر جانے کی اجازت پر شہباز شریف نے ضمانت دی یو ٹرن کی باتیں کرنے والے شہباز شریف دنیا کی تاریخ کا سب سے بڑ یو ٹرن لے رہے ہیں ،منافقت، دھوکہ دہی، دو نمبری اور جھوٹ ن لیگی قائدین کی عادتِ ثانیہ بن چکی ہے۔ انہوں نے کہا کہ بچپن سے سنا تھا کہ مومن کبھی ایک سوراخ سے دو بار نہیں ڈسا جاتا،پتہ نہیں مولانا فضل الرحمان آلِ شریف اور آلِ زرداری کے ہاتھوں کب تک استعمال ہوتے رہیں گے،بارہا کہہ چکا ہوں کہ مولانا اگلے تین سال اپنے سیاسی، معاشی اور انتظامی گناہوں پر توبہ کریں۔