پاکستان مسلمانوں کو حقیقی ترجمان بن گیا، اسرائیل کو تسلیم نہ کرنے پر فلسطین نے پاکستان کا شکریہ ادا کرتے ہوئے کیا کہہ دیا؟ وزیراعظم عمران خان کیلئے بھی شاندار پیغام

اسلام آباد (پی این آئی) اسرائیل کو قانونی ریاست تسلیم نہ کرنے پر فلسطین کی جانب سے پاکستان کا شکریہ ادا کیا گیا ہے۔اسلام آباد میں قائم فلسطینی سفارتخانے کی جانب سے جاری بیان میں کہا گیا ہے کہ فلسطین کی ریاست اسرائیل کے حوالے سے واضح پیغام دینے پر وزیر اعظم عمران خان کا شکریہ ادا کرتی ہے اور اس

بات پر اطمینان کا اظہار کرتی ہے کہ پاکستان فلسطینیوں کے ساتھ کھڑا ہے۔بیان میں اسرائیل کے فلسطین پر مظالم کی مذمت کرنے پر پاکستان کا شکریہ ادا کیا گیا اور کہا گیا کہ ” فلسطینی پاکستان کو اپنا دوسرا گھر اور ان پاکستانیوں کو اپنا عزیز ترین بھائی سمجھتے ہیں جنہوں نے ہمیشہ ہر فورم پر مسئلہ فلسطین کیلئے آواز اٹھائی۔”خیال رہے کہ منگل کے روز وزیر اعظم عمران خان نے اپنے ٹی وی انٹرویو کے دوران اسرائیل کو تسلیم نہ کرنے کا اعلان کیا تھا۔ انہوں نے کہا کہ “اسرائیل کے بارے میں ہمارا موقف واضح ہے۔ قائداعظم نے کہا تھا کہ جب تک فلسطینیوں کو اُنکے بنیادی حقوق اور علیحدہ ریاست نہیں ملتی، تب تک پاکستان اسرائیل کو تسلیم نہیں کرسکتا۔”