الحمد للہ، پنجاب سے کورونا کو الوداع کہنے کی تیاری، وزیرصحت ڈاکٹریاسمین راشد نے تمام سرکاری ہسپتالوں میں معمول کی سرگرمیاں شروع کرنے کی ہدایت کر دی

لاہور(پی این آئی)الحمد للہ، پنجاب سے کورونا کو الوداع کہنے کی تیاری، وزیرصحت ڈاکٹریاسمین راشد نے تمام سرکاری ہسپتالوں میں معمول کی سرگرمیاں شروع کرنے کی ہدایت کر دی۔وزیرصحت پنجاب ڈاکٹریاسمین راشد نے تمام سرکاری اسپتالوں میں معمول کی سرگرمیاں شروع کرنے کی ہدایت کردی۔ایک بیان میں ڈاکٹر

یاسمین راشد نے کہا ہےکہ پنجاب میں کورونامریضوں کی تعداد میں حیرت انگیز کمی واقع ہورہی ہے۔صوبائی وزیر صحت کا کہنا تھا کہ لاہور میں میو، یکی گیٹ، ایکسپو سینٹراسپتال اور پاکستان کڈنی اینڈ لیور انسٹی ٹیوٹ ( پی کے ایل آئی) میں کورونامریضوں کاعلاج جاری رہے گا اورکورونا کے نئے مریضوں کولاہورکے انہی 4 اسپتالوں میں بھیجا جائے گا۔ڈاکٹر یاسمین راشدکا کہنا تھا کہ راولپنڈی میں انسٹی ٹیوٹ آف یورولوجی کے علاوہ تمام سرکاری اسپتال معمول کے مطابق کھلیں گے۔انہوں نے بتایا کہ بے نظیربھٹو اسپتال میں کوروناوائرس کے صرف 10 مریض زیرعلاج ہیں اور ملتان کے نشتراسپتال میں کوروناکےصرف 27 مریض موجود ہیں جب کہ گوجرانوالہ میں گذشتہ 9 روز سے کوروناوائرس کاکوئی کیس رپورٹ نہیں ہوا۔صوبائی وزیر صحت نے مزید بتایا کہ ڈی جی خان میں کوروناکے صرف 2 مریض زیرعلاج ہیں جب کہ گجرات میں کورونا کے صرف 3 مریض اسپتال میں موجود ہیں۔میڈیکل کالجز کے داخلوں کے حوالے سے ڈاکٹر یاسمین راشد کا کہنا تھا کہ طبی درس گاہوں میں داخلے کے لیے انٹری ٹیسٹ کروانے کافیصلہ جلدکرلیا جائے گا۔۔۔۔