اسلام آباد (پی این آئی) سرکاری ملازمین کیلئے جاری ایک ایڈوائزری میں کہا گیا ہے کہ بھارتی ہیکرز کا گروپ “اے پی ٹی” واٹس ایپ کے ذریعے حساس معلومات چرانے کی کوششوں میں مصروف ہے۔ایڈوائزری کے مطابق بھارتی ہیکرز کا گروپ “اے پی ٹی” حکومتی محکموں کے ملازمین کو ٹارگٹ کر رہا ہے، یہ
سافٹ ویئرز اور واٹس ایپ کے ذریعے حساس معلومات چرانے کی کوششوں میں مصروف ہے۔ایڈوائزری میں کہا گیا ہے کہ بھارتی ہیکرز کا یہ گروپ یوزر نیم، پاس ورڈز اور بیک اپ فائلز چرانے کی صلاحیت رکھتا ہے اس لیے سوشل میڈیا پر دہری تصدیق کا نظام اپنایا جائے۔ ایڈوائزری میں یہ بھی ہدایت کی گئی ہے کہ ای میل کے ساتھ ایم ایس ورڈ کی فائل کو نہ کھولا جائے، اس طرح سے ہیکنگ کا خطرہ ہے۔
تازہ ترین خبروں کے لیے پی این آئی کا فیس بک پیج فالو کریں
