عید سے قبل بڑی عیدی، ریٹائرڈ ملازمین کو اضافی پنشن ادا کر دی گئی

اسلام آباد (پی این آئی) عید سے قبل بڑی عیدی، پنشنرز کو تمام واجبات ایک ساتھ ادا کر دیے گئے، ای او بی آئی نے جولائی کی پنشن 3 ماہ کے واجبات کے ساتھ جاری کردی، بزرگ پنشنرز کو ساڑھے 8 ہزار کی بجائے ساڑھے 14 ہزار روپے کی رقم موصول ہوگئی۔ تفصیلات کے مطابق ایمپلائز اولڈ ایج بینیفٹس انسٹی

ٹیوشن (ای او بی آئی) نے جولائی کی پنشن 3 ماہ کے واجبات کے ساتھ جاری کردی۔اعلامیے کے مطابق 4 لاکھ پنشنرز کو فی کس 14500 روپے ادا کیے جارہے ہیں اور اس حوالے سے ان کے موبائل فون پر میسج بھی ارسال کیے جارہے ہیں۔اعلامیے میں کہا گیا ہے کہ پنشن یافتگان کسی بھی بینک کی اے ٹی ایم سے اپنی پنشن نکال سکتے ہیں۔خیال رہے کہ گزشتہ دنوں چیئرمین ای او بی آئی اظہر حمید نے بتایا تھا کہ پنشنرز کیلئے خوشخبری ہے کہ انہیں عید سے پہلے ایک پنشن اور واجبات ادا ہوں گے۔انہوں نے بتایا کہ عید سے پہلے 8500 پنشن اور 6000 روپے واجبات کی مد میں ادا کیے جائیں گے۔ اس کے علاوہ یکم ستمبر سے ای او بی آئی پنشنرز یوٹیلٹی اسٹور سے 10 فیصد رعایت پر آٹا، چینی، چاول ، گھی اور دالیں خرید سکیں گے۔ جبکہ پنشن گھر پہنچانے اور پنشنرز انشورنس پر بھی کام ہورہا ہے۔ مزید بتایا گیا ہے کہ اگست سے بزرگ پنشنرز کی پنشن میں اضافے کا نوٹیفیکیشن جاری کر دیا گیا ہے۔اب بزرگوں کو اگست کے ماہ سے کم از کم 8500 روپے کی پنشن ملے گی۔ ای اوبی آئی پنشنرز کو واجبات کی مد میں 2.4 ارب روپے بھی ادا کیے جائیں گے۔ حکومت نے ای او بی آئی پنشنرز کی پینشن میں 2 ہزار روپے اضافے کی منظوری دی تھی جبکہ رجسٹرڈ پنشنرز کو اب ساڑھے 8 ہزار روپے پنشن ملے گی۔ ای او بی آئی کے رجسٹرڈ پنشنرز کو 3 ماہ اپریل، مئی اور جون کے بقایا جات کی مد میں دیے گئے ہیں۔ یہ تمام بقایاجات پہلے اگلے ماہ اگست میں ادا کیے جانے تھے، تاہم اب عید سے قبل ہی ادا کر دیے گئے ہیں۔