مانسہرہ سے کراچی جانے والی مسافر بس ٹرالر سے ٹکرا کر الٹ گئی، 6 جاں بحق، 30زخمی، ہسپتال سے عملہ غائب، زخمیوں کو مشکلات

نواب شاہ(پی این آئی):مانسہرہ سے کراچی جانے والی مسافر بس ٹرالر سے ٹکرا کر الٹ گئی، 6 جاں بحق، 30زخمی، ہسپتال سے عملہ غائب، زخمیوں کو مشکلات، قاضی احمد کے قریب مسافر بس الٹنے سے 6 افراد جاں بحق اور 30 سے زائد زخمی ہو گئے۔موٹروے پولیس کے مطابق مانسہرہ سے کراچی جانے والی مسافر

بس تیز رفتاری سے موڑ کاٹتے ہوئے ٹرالر سے ٹکرا کر الٹ گئی۔ حادثے کی اطلاع ملنے پر موٹروے پولیس، سندھ پولیس اور ایدھی کے رضاکار جائے حادثہ پر پہنچے اور زخمیوں کو اسپتال منتقل کیا۔ذرائع کے مطابق اسپتال میں عملہ موجود نہ ہونے کی وجہ سے زخمیوں کو شدید مشکلات کا سامنا کرنا پڑا۔رواں ماہ کے آغاز پر پنجاب کے ضلع شیخوپورہ میں پھاٹک پر ٹرین کوسٹر سے ٹکرا گئی تھی جس کے نتیجے میں 22 مسافر جاں بحق اور متعدد زخمی ہو گئے تھے۔ریسکیو ذرائع کے مطابق شاہ حسین ایکسپریس کراچی سے لاہور جا رہی تھی جب وہ پھاٹک کراس کرنے والی کوسٹر سے ٹکرا گئی۔ حادثے کے نتیجے میں کوسٹر میں سوار 22 افراد ہلاک ہو گئے۔ ہلاک ہونے والوں میں زیادہ تر سکھ یاتری شامل تھے۔