وزیراعظم عمران خان کا آج لاہور کا دورہ بہت اہم، عثمان بزدار سے ملاقات میں ان کا مستقبل طے ہونے کا امکان، اتحادیوں کا کردار زیر بحث آئے گا۔ کیا فیصلے ہوں گے؟ قوم منتظر ہے

اسلام آباد(پی این آئی)وزیر اعظم عمران خان کا آج لاہور کا دورہ بہت اہم، عثمان بزدار سے ملاقات میں ان کا مستقبل طے ہونے کا امکان، اتحادیوں کا کردار زیر بحث آئے گا۔ کیا فیصلے ہوں گے؟ قوم منتظر ہے۔وزیراعظم عمران خان آج لاہور آئیں گے جہاں وہ مختلف تقاریب میں شرکت کریں گے۔ وزیراعلیٰ پنجاب

صوبے کے امور بارے وزیراعظم کو بریف کریں گے۔گور نر پنجاب چودھری محمد سرور بھی وزیراعظم سے ملاقات کریں گے، وزیراعظم عمران خان ایک انٹرنیشنل برانڈ کی لانچنگ افتتاحی تقریب میں بھی شریک ہوں گے، وزیراعظم کو صحت کے شعبے میں ڈویلپمنٹ پراجیکسٹس بارے بریف کیا جائے گا، وزیر صحت ڈاکٹر یاسمین راشد وزیراعظم کو صحت کے شعبے میں ڈویلپمنٹ پراجیکٹ پر بریف کریں گی۔وزیر اعظم عمران خان مون سون شجر کاری مہم کے تحت پودا بھی لگائیں گے، عمران خان ایوان وزیراعلی میں قائد اعظم بزنس پارک شیخورہ کا سنگ بنیاد رکھیں گے، قائد اعظم بزنس پارک 1536 ایکڑ رقبے پر مشتمل ہے۔ قائد اعظم بزنس پارک پہلے صرف گارمنٹس کے لئے تھا اب یہاں دیگر بزنس کی بھی اجازت ہوگی۔قائد اعظم بزنس پارک میں 200 ایکڑ رقبے پر مشتمل لیبر کالونی ہوگی، سو ایکڑ رقبہ انٹر چینج کے لئے مختص کیا گیا ہے، قائد اعظم بزنس پار ک شروع ہونے سے پانچ لاکھ ملازمتوں کے مواقع پیدا ہوں گے، قائد اعظم بزنس پارک میں 250 ارب کی سرمایہ کاری متوقع ہے۔۔۔۔۔۔۔۔۔۔۔۔۔