وزیراعظم آج ملکی تاریخ کی سب سے بڑی مون سون شجر کاری مہم کا آغاز کریں گے، 20 روزہ مہم میں کتنے کروڑ پودے لگیں گے؟

اسلام آباد(پی این آئی)وزیراعظم آج ملکی تاریخ کی سب سے بڑی مون سون شجر کاری مہم کا آغاز کریں گے، 20 روزہ مہم میں کتنے کروڑ پودے لگیں گے؟، وزیراعظم عمران خان کہوٹہ سے آج ملکی تاریخ کی سب سے بڑی مون سون شجر کاری مہم کا آغاز کریں گے، 20روزہ شجر کاری مہم میں پاکستان بھر میں 20کروڑ

پودے لگائے جائیں گے۔تفصیلات کے مطابق وزیراعظم عمران خان آج کہوٹہ کا دورہ کریں گے ، مشیرماحولیات ملک امین اسلم بھی ان کے ہمراہ ہوں گے، عمران خان کہوٹہ سے آج ملکی تاریخ کی بڑی مون سون شجر کاری مہم کا آغاز کریں گے۔وزیراعظم 3 ہزار فاریسٹ اسکاؤٹس سے خصوصی خطاب بھی کریں گے ، آج کہوٹہ سے شروع شجر کاری مہم کل سے ملک بھر میں پھیل جائے گی، شجر کاری مہم بیک وقت چاروں صوبوں میں شروع ہو گی، 20روزہ شجر کاری مہم میں پاکستان بھر میں 20کروڑ پودے لگائے جائیں گے۔شجر کاری مہم میں ٹائیگرزفورس کی خدمات بھی حاصل کرنے کا فیصلہ کیا ہے، پنجاب کے36اضلاع میں ٹائیگرزفورس پودے لگانے کیلئے خدمات انجام دے گی۔مشیرماحولیات ملک امین اسلم،عثمان ڈار،چیف سیکریٹری پنجاب نے پلان تیار کرلیا، ملک امین اسلم نے کہا ٹائیگرزفورس کے رضاکاروں کا جذبہ قابل تحسین ہے، رضاکاروں نے ایمرجنسی صورتحال میں بلا معاوضہ خدمات دی ، قومی رضاکاروں کی خدمات سرسبزپاکستان مہم کیلئےحاصل کی جائیں گی۔مشیرماحولیات کا کہنا تھا کہ ٹائیگرزفورس کے جوان انتظامیہ کیساتھ ملکر مہم میں حصہ لیں گےوزیر اعظم آئندہ ہفتے لاہور میں بھی اربن شجرکاری کاافتتاح ، کریں گے، لاہورمیں جاپانی طریقہ کارمیاواکی کےتحت50سےزائدمقامات پرپودے لگیں گے۔یاد رہے چند ہفتے قبل اقوام متحدہ نے ’’سسٹین ایبل ڈیولپمنٹ‘‘ 2020 کی جائزہ رپورٹ جاری کی تھی، جس میں کہا گیا تھا کہ ماحولیات سے متعلق اقدامات کا ہدف پاکستان نے ڈیڈ لائن سے دس سال قبل حاصل کرلیا ہے۔مشیر ماحولیاتی تبدیلی نے کہا تھا کہ پاکستان میں اس ٹارگٹ کو مکمل کرنے کے لیے ملک کے جنگلات کے رقبے میں اضافہ کیا گیا، بلین ٹری سونامی اور 10 بلین ٹری سونامی منصوبوں کا اس ہدف کے حصول میں اہم کردار ہے۔ان کا کہنا تھا کہ بلین ٹری سونامی کے ذریعےکے پی میں 6 فیصد جنگلات بڑھے، جنگلات کا پروٹیکٹڈ ایریا بڑھا کر 12 سے 15 فیصد پر، یورو ٹو سے یورو فائیو فیول اور کوئلے کی بجائےہائیڈروپروجیکٹس پرجارہے ہیں۔ملک امین اسلم نے کہا تھا کہ سی پیک کے تحت ہائیڈرو پروجیکٹس شروع کررہے ہیں، 1200 میگاواٹ کےونڈپروجیکٹس شروع کر رہے ہیں، 2025 تک پاکستان کی 60 فیصد انرجی کلین انرجی ہوگی۔