ای او بی آئی پنشنرز کو ڈبل ریلیف، بڑھی ہوئی پنشن اور بقایا جات کی ادائیگی کی تاریخ کا اعلان کر دیا گیا

اسلام آباد(پی این آئی)ای او بی آئی پنشنرز کو ڈبل ریلیف، بڑھی ہوئی پنشن اور بقایا جات کی ادائیگی کی تاریخ کا اعلان کر دیا گیا۔ وفاقی حکومت نے ای او بی آئی پنشنرز کو بڑھائی گئی پنشن عید سے قبل دینے کا فیصلہ کرلیا ، ملازمین کو جنوری سے اب تک کے تمام بقایا جات بھی ادا کیے جائیں گے جبکہ ای اوبی آئی

پنشنرزکویکم اگست سے سہولت کارڈ دینے کا بھی فیصلہ کیا گیا ہے۔تفصیلات کے مطابق وفاقی حکومت نے ای او بی آئی پنشنرز کے لیے عید سے پہلے ڈبل ریلیف دے دیا اور وفاقی کابینہ کی جانب بڑھائی گئی پنشن عید سے قبل دینے کا فیصلہ کیا ہے۔پنشن میں اضافہ یکم جنوری 2020 سے نافذ العمل تصور ہوگا، ملازمین کو جنوری سے اب تک کے تمام بقایا جات بھی ادا کیے جائیں گے، پنشنرز کو 6500 کی بجائے 8500 روپے دینے کی منظوری دی گئی تھی۔ای اوبی آئی پنشنرز کو یکم اگست سے سہولت کارڈ دینے کا بھی فیصلہ کیا ہے، سہولت کارڈ کے ذریعے یوٹیلٹی اسٹورز پر10فیصدڈسکاؤنٹ مل سکے گا۔معاون خصوصی زلفی بخاری نے کہا کہ ای اوبی آئی اوریوٹیلٹی اسٹورزکے درمیان معاہدہ کیا گیا، پنشنرز آٹا، چینی چاول، گھی کی خریداری پر10 فیصد یا زائد ڈسکاوئنٹ حاصل کرسکیں گے۔زلفی بخاری کا کہنا تھا سہولت کارڈ جلد جاری کئے جائیں گے اور 75لاکھ لوگ فائدہ اٹھائیں گے۔گذشتہ روز ای اوبی آئی کارڈ ہولڈرز کو یوٹیلٹی اسٹورز پر سہولت فراہم کرنے کا معاہدہ طے پایا تھا، سہولت کارڈ سے بنیادی ضروری اشیا رعایتی نرخ پردی جائیں گی۔۔۔۔۔۔۔۔۔۔