پشاور(پی این آئی)پشاور کی غیر سیاسی پولیس کا شہری کو برہنہ کر کے تشدد، احتجاج کرنے والے مشتعل عوام نے تہکال تھانے پر دھاوا بول دیا۔پشاور میں نوجوان پر پولیس تشدد کے خلاف احتجاج دوسرے روز بھی جاری رہا اور مشتعل ہجوم نے تھانہ تہکال پر دھاوا بول دیا۔خیبر پختون خوا میں پولیس تشدد کے خلاف
مظاہروں کی لہر روز پکڑ گئی۔ پشاور پریس کلب اور اسمبلی چوک میں مختلف تنظیموں اور عام شہریوں کی جانب سے احتجاج ہوتا رہا، مظاہرین کے بے قابو ہونے پر پولیس نے آنسو گیس کی شیلنگ اور لاٹھی چارج کیا، کچھ مظاہرین نے پتھراؤ بھی کیا۔سہ پہر کے بعد لوگوں کے ہجوم نے پولیس تھانہ تہکال پر دھاوا بولنے کی کوشش کی، پتھراؤ اور شیشے کی بوتلیں بھی پھینکیں اور موٹرسائیکل کو آگ لگا دی جس کے بعد پولیس کی جانب سے آنسو گیس کی شیلنگ پر مظاہرین منتشر ہو گئے۔دوسری جانب خیبر پختون خوا حکومت نے واقعے کی تحقیقات کے لئے جج کی تقرری کے لئے چیف جسٹس پشاور ہائی کورٹ کو خط لکھ دیا۔۔۔۔۔۔۔۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
